ಹೃದಯಾಘಾತವಾದರೂ ಪ್ರಯಾಣಿಕರನ್ನು ರಕ್ಷಿಸಿದ ಪೈಲೆಟ್

ಕೋಲ್ಕತಾ:ವಿಮಾನ ಹಾರಾಟ ವೇಳೆಯೇ ಇಂಡಿಗೋ ಏರ್‌ಲೈನ್ಸ್‌ ಪೈಲಟ್‌ ಒಬ್ಬರು ತೀವ್ರ ಹೃದಯಾಘಾತಕ್ಕೆ ಒಳಗಾಗಿದ್ದರೂ ದಿಟ್ಟತನದಿಂದ ವಿಮಾನವನ್ನು ಲ್ಯಾಂಡಿಂಗ್‌ ಮಾಡುವ ಮೂಲಕ ಪ್ರಯಾಣಿಕರ ಪ್ರಾಣ ರಕ್ಷಿಸಿದ ಘಟನೆ ನಡೆದಿದೆ. ಪೈಲಟ್‌ ಕ್ಯಾಪ್ಟನ್‌ ಸಿಲ್ವಿಯೊ ಡಿಯಾಜ್‌ ಅಕೋಸ್ಟ್‌r (63) ಕ್ಯೂಬಾದವರು. ವಿಮಾನ ಕ್ಯೂಬಾದಿಂದ ಕೋಲ್ಕತಾಗೆ ಬರುತ್ತಿತ್ತು. ಇಲ್ಲಿಯ ವಿಮಾನ ನಿಲ್ದಾಣದಲ್ಲಿ ನಿಲುಗಡೆ ಮಾಡುವ ವೇಳೆ ಅಕೋಸ್ಟ್‌ ಅವರಿಗೆ ತೀವ್ರ ಎದೆ ನೋವು ಕಾಣಿಸಿಕೊಂಡಿತು. ದೇಹ ಸಂಪೂರ್ಣವಾಗಿ ಬೆವೆತು ಹೋಯಿತು. ತಮಗಾಗುತ್ತಿರುವ ಸಮಸ್ಯೆಯನ್ನು ಸಹ ಪೈಲಟ್‌ಗೆ ತಿಳಿಸಿದ ಅವರು ಸಹ ಪೈಲಟ್‌ ಸಹಾಯದಿಂದ ವಿಮಾನವನ್ನು ಕೋಲ್ಕತಾ ವಿಮಾನ ನಿಲ್ದಾಣದಲ್ಲಿ ನಿಲುಗಡೆ ಮಾಡಿದರು.