Pakistan ಕರಾಚಿ, ವಿಶ್ವದಲ್ಲೇ 2ನೇ ಅಪಾಯಕಾರಿ ನಗರ!

ಕರಾಚಿ: ಪ್ರವಾಸಿಗರಿಗೆ ಅತ್ಯಂತ ಅಪಾಯಕಾರಿ ನಗರಗಳ ಪಟ್ಟಿಯನ್ನು ಫೋರ್ಬ್ಸ್ ಆಡ್ವೈಸರ್‌ ಬಿಡುಗಡೆ ಮಾಡಿದ್ದು, ನೆರೆ ರಾಷ್ಟ್ರ ಪಾಕಿಸ್ಥಾನದ ಕರಾಚಿ 2ನೇ ಸ್ಥಾನ ಪಡೆದಿದೆ. ಮೊದಲ ಸ್ಥಾನವನ್ನು ವೆನೆಜುವೆಲಾದ ಕಾರಕಸ್‌, 3ನೇ ಸ್ಥಾನವನ್ನು ಮ್ಯಾನ್ಮಾರ್‌ನ ಯಾಂಗೋನ್‌ ಪಡೆದಿದೆ. ಅಪರಾಧ, ಹಿಂಸಾಚಾರ, ಭಯೋತ್ಪಾದನೆ, ನೈಸರ್ಗಿಕ ವಿಕೋಪಗಳು, ಆರ್ಥಿಕ ಬಿಕ್ಕಟ್ಟುಗಳಿಂದ ಎದುರಾಗಬಲ್ಲ ವೈಯಕ್ತಿಕ ಭದ್ರತಾ ಅಪಾಯಗಳನ್ನು ಕರಾಚಿ ಎದುರಿಸುತ್ತಿದೆ. ವಿಶ್ವದ 60 ನಗರಗಳನ್ನು ಏಳು ವಿಭಿನ್ನ ಮಾನದಂಡಗಳನ್ನು ಬಳಸಿ, ಈ ಸಮೀಕ್ಷಾ ವರದಿಯನ್ನು ಸಿದ್ಧಪಡಿಸಲಾಗಿದೆ.