ಭನ್ಸಾಲಿಯ ಐತಿಹಾಸಿಕ “ಪದ್ಮಾವತಿ’ಚಿತ್ರದ ಟ್ರೇಲರ್‌ ಅನಾವರಣ

ಮುಂಬಯಿ : ಈ ವರ್ಷದ ಬಹು ನಿರೀಕ್ಷಿತ ಬಾಲಿವುಡ್‌ ಚಿತ್ರ, ಸಂಜಯ್‌ ಲೀಲಾ ಭನ್ಸಾಲಿ ಅವರ “ಪದ್ಮಾವತಿ’ ಚಿತ್ರದ ಟ್ರೇಲರ್‌ ಇದೀಗ ಅನಾವರಣಗೊಂಡಿದೆ.

ಅತ್ಯಂತ ಕಲಾತ್ಮಕವಾಗಿ ರೂಪಿಸಲ್ಪಟ್ಟಿರುವ, ಭನ್ಸಾಲಿ ಅವರ ಮಹತ್ವಾಕಾಂಕ್ಷೆಯ ಐತಿಹಾಸಿಕ “ಪದ್ಮಾವತಿ’ ಚಿತ್ರದಲ್ಲಿ ರಾಣಿ ಪದ್ಮಾವತಿಯಾಗಿ ದೀಪಿಕಾ ಪಡುಕೋಣೆ, ಮಹಾರಾವಲ್‌ ರತನ್‌ ಸಿಂಗ್‌ ಆಗಿ ಶಾಹೀದ್‌ ಮತ್ತು ಸುಲ್ತಾನ್‌ ಅಲ್ಲಾವುದ್ದೀನ್‌ ಖೀಲ್‌ಜಿ ಆಗಿ ರಣವೀರ್‌ ಸಿಂಗ್‌ ಅದ್ಭುತ ನಟನೆಯನ್ನು ಸಾದರಪಡಿಸಿದ್ದಾರೆ. 

ಈ ಹಿಂದೆ ಗೋಲಿಯೋಂ ಕೀ ರಾಸಲೀಲ – ರಾಮಲೀಲಾ ಮತ್ತು ಬಾಜಿರಾವ್‌ ಮಸ್ತಾನಿ ಚಿತ್ರದಲ್ಲಿ ಸಿನೆಮಾ ವೀಕ್ಷಕರ ಮನಸೂರೆಗೈದಿದ್ದ ದೀಪಿಕಾ ಮತ್ತು ರಣವೀರ್‌, “ಪದ್ಮಾವತಿ’ ಚಿತ್ರದಲ್ಲೂ ಅದೇ ರೀತಿಯ ಮ್ಯಾಜಿಕ್‌ ಮಾಡಿರುವುದರ ಸ್ಯಾಂಪಲ್‌ ಇದೀಗ ಬಿಡುಗಡೆಗೊಂಡಿರುವ ಟ್ರೇಲರ್‌ನಲ್ಲಿ ಕಂಡುಬರುತ್ತದೆ. ಡಿಸೆಂಬರ್‌ 1ರಂದು ಪದ್ಮಾವತಿ ಚಿತ್ರ ಬಿಡುಗಡೆಗೊಳ್ಳಲಿದೆ.