ಕೊಲ್ಲಾಪುರ(ಮಹಾರಾಷ್ಟ್ರ): 2014ರ ಮೊದಲು ಅಧಿಕಾರದಲ್ಲಿದ್ದ ಪ್ರತಿಯೊಬ್ಬ ಸಚಿವರೂ ತಮ್ಮನ್ನು ಪ್ರಧಾನಿ ಎಂದು ಪರಿಗಣಿಸುತ್ತಿದ್ದರು ಎಂದು ಕೇಂದ್ರ ಗೃಹ ಸಚಿವ ಅಮಿತ್ ಶಾ ಹೇಳಿದ್ದಾರೆ.
ವಿಜಯ್ ಸಂಕಲ್ಪ ಮೇಳದಲ್ಲಿ ಮಾತನಾಡಿ, ಈ ಹಿಂದೆ ಹೆಚ್ಚಿನ ಭ್ರಷ್ಟಾಚಾರ ನಡೆದಿದೆ. ಪಾಕ್ ಭಯೋತ್ಪಾದಕರು ನಮ್ಮ ಸೇನಾ ಅಧಿಕಾರಿಗಳನ್ನು ಹತ್ಯೆ ಮಾಡುತ್ತಿದ್ದರು. ಭಯೋತ್ಪಾದನೆಯ ವಿರುದ್ಧ ಕ್ರಮ ಕೈಗೊಳ್ಳುವ ಧೈರ್ಯ ಯಾರಿಗೂ ಇರಲಿಲ್ಲ. ಕಾನೂನು ಸುವ್ಯವಸ್ಥೆ ಹದಗೆಟ್ಟಿತ್ತು ಎಂದರು.
2019 ರಲ್ಲಿ, ಉದ್ಧವ್ ಠಾಕ್ರೆ ನಮ್ಮೊಂದಿಗೆ ಪ್ರಚಾರ ಮಾಡಿದರು ಆದರೆ ಚುನಾವಣಾ ಫಲಿತಾಂಶ ಬಂದಾಗ ಅವರು ಎಲ್ಲಾ ಸಿದ್ಧಾಂತಗಳನ್ನು ಮರೆತು ಶರದ್ ಪವಾರ್ ಅವರ ಕಾಲಿಗೆ ಬಿದ್ದು ಅವರನ್ನು ಸಿಎಂ ಮಾಡಲು ವಿನಂತಿಸಿದರು.ಆದರೆ ಇಂದು ಶಿವಸೇನೆ ನಿಜವಾಗಿದೆ ಮತ್ತು ‘ಬಿಲ್ಲು ಮತ್ತು ಬಾಣದೊಂದಿಗೆ ಮತ್ತೆ ಬಿಜೆಪಿಯೊಂದಿಗೆ ಬಂದಿದೆ. ನಾವು ಅಧಿಕಾರಕ್ಕಾಗಿ ತತ್ವಗಳನ್ನು ತ್ಯಾಗ ಮಾಡಿಲ್ಲ, ನಮಗೆ ಅಧಿಕಾರದ ದುರಾಸೆ ಇಲ್ಲ. ನಮ್ಮ ಮನಸ್ಸಿನಲ್ಲಿ ಮಹಾರಾಷ್ಟ್ರದ ಹಿತಾಸಕ್ತಿ ಮುಖ್ಯ. ಬಿಜೆಪಿಗೆ ಅಧಿಕಾರದ ದುರಾಸೆ ಇಲ್ಲ ಮತ್ತು ನಮ್ಮ ಸಿದ್ಧಾಂತಗಳನ್ನು ನಾವು ಎಂದಿಗೂ ಮರೆಯುವುದಿಲ್ಲ ಎಂದರು.
ಮೋದಿಯವರ ನೇತೃತ್ವದಲ್ಲಿ ಭವ್ಯವಾದ ಮತ್ತು ಸಮೃದ್ಧ ಭಾರತವನ್ನು ರಚಿಸಬೇಕಾಗಿದೆ. 2047ರಲ್ಲಿ ದೇಶದ ಶತಮಾನೋತ್ಸವ ಆಚರಿಸಿದಾಗ ಭಾರತ ಜಗತ್ತಿನ ಎಲ್ಲ ಕ್ಷೇತ್ರಗಳಲ್ಲಿ ಮೊದಲ ಸ್ಥಾನದಲ್ಲಿ ನಿಲ್ಲಬೇಕು, ಅಂತಹ ಭಾರತಕ್ಕೆ ಬುನಾದಿ ಹಾಕಬೇಕು ಎಂದರು.
370 ನೇ ವಿಧಿಯನ್ನು ಎಂದಾದರೂ ರದ್ದುಗೊಳಿಸಲಾಗುವುದು ಎಂದು ಯಾರಾದರೂ ಊಹಿಸಿದ್ದಿರೇ?ಎನ್‌ಸಿಪಿಯಿಂದ ಕಾಂಗ್ರೆಸ್, ಎಸ್‌ಪಿ, ಬಿಎಸ್‌ಪಿ, ಮಮತಾ ಮತ್ತು ನಿತೀಶ್ ಕುಮಾರ್, ಪ್ರತಿಯೊಬ್ಬರೂ ಇದನ್ನು ವಿರೋಧಿಸಿದರು. 370 ನೇ ವಿಧಿಯನ್ನು ಮೋದಿ ಜೀ ರದ್ದುಗೊಳಿಸಿದರು, ಬಳಿಕ ಒಂದೇ ಒಂದು ಕಲ್ಲು ತೂರಿಲ್ಲ ಎಂದರು.
