BJP: ವಿಪ್‌ ನೀಡಿದ್ರೂ ಕಲಾಪಕ್ಕೆ ಗೈರಾದ 20 ಸಂಸದರಿಗೆ ಬಿಜೆಪಿ ನೋಟಿಸ್‌ ಸಾಧ್ಯತೆ

ನವದೆಹಲಿ: ಒಂದು ದೇಶ, ಒಂದು ಚುನಾವಣೆ ಮಸೂದೆ ಮಂಡನೆ ಸಮಯದಲ್ಲಿ ಸದನಕ್ಕೆ ಹಾಜರಾಗದ ಸಂಸದರಿಗೆ ಬಿಜೆಪಿ ನೋಟಿಸ್‌ ನೀಡಲಿದೆ ಎಂದು ಮೂಲಗಳು ತಿಳಿಸಿವೆ.

ಮಸೂದೆ ಮಂಡನೆಯ ಸಮಯದಲ್ಲಿ ಹಾಜರಿರಬೇಕು ಎಂದು ವಿಪ್‌ ಜಾರಿ ಮಾಡಿದ್ದರೂ ಬಿಜೆಪಿಯ 20ಕ್ಕೂ ಹೆಚ್ಚು ಸಂಸದರು ಹಾಜರಾಗಿರಲಿಲ್ಲ.

ಮಸೂದೆ ಮಂಡನೆಯಾಗಬೇಕೇ, ಬೇಡವೇ ಎಂದು ನಡೆದ ಮತದಾನದಲ್ಲಿ ಮಸೂದೆಯ ಪರ 269, ವಿರುದ್ಧ 198 ಮತಗಳ ಚಲಾವಣೆಯಾಗಿದ್ದವು. ಮೂರನೇ ಎರಡರಷ್ಟು ಬಹುಮತ ಸಿಗದ ಕಾರಣ ಆಡಳಿತ ಪಕ್ಷ ವಿಪಕ್ಷಗಳ ವ್ಯಂಗ್ಯಕ್ಕೆ ತುತ್ತಾಗಿತ್ತು. ಮಂಗ ಳವಾರ ಸದನದಲ್ಲಿ ಹಾಜರಿರುವಂತೆ ವಿಪಕ್ಷಗಳು ಕೂಡ ತಮ್ಮ ಸಂಸದರಿಗೆ ವಿಪ್‌ ಜಾರಿ ಮಾಡಿದ್ದವು.