K. S. Eshwarappa: ಗುಂಪುಗಾರಿಕೆ ಮಾಡುತ್ತಿರುವವರು ಬಿಜೆಪಿ ಕಟ್ಟಿ ಬೆಳೆಸಿಲ್ಲ

ಬಾಗಲಕೋಟೆ: ರಾಜ್ಯದಲ್ಲಿ ಸದ್ಯ ಗುಂಪುಗಾರಿಕೆ ಮಾಡುತ್ತಿರುವ ನಾಯಕರು ಬಿಜೆಪಿಯನ್ನು ಕಟ್ಟಿ ಬೆಳೆಸಿಲ್ಲ ಎಂದು ಮಾಜಿ ಉಪಮುಖ್ಯಮಂತ್ರಿ ಕೆ.ಎಸ್‌. ಈಶ್ವರಪ್ಪ ಸುದ್ದಿಗಾರರ ಜತೆ ಹೇಳಿದರು.

ಬಿಜೆಪಿಯಲ್ಲಿ ಗುಂಪುಗಾರಿಕೆ ಹೆಚ್ಚಾಗಿದೆ.ಗುಂಪುಗಾರಿಕೆ ಮಾಡುವ ನಾಯಕರು ಪಕ್ಷವನ್ನೇ ಕಟ್ಟಿಲ್ಲ. ಗುಂಪುಗಾರಿಕೆಯನ್ನು ಪಕ್ಷದ ವರಿಷ್ಠರು ಗಮನಿಸುತ್ತಿದ್ದಾರೆ. ಅದನ್ನು ಬಗೆಹರಿಸುತ್ತಾರೆ ಎಂಬ ವಿಶ್ವಾಸವಿದೆ. ರೇಣುಕಾಚಾರ್ಯ ಅವರಂತಹ ಕೆಲವರು ಯಡಿಯೂರಪ್ಪ ಜನ್ಮದಿನದ ಹೆಸರಿನಲ್ಲಿ ಗುಂಪುಗಾರಿಕೆ ಪ್ರದರ್ಶನಕ್ಕೆ ಮುಂದಾಗಿದ್ದಾರೆ.

ಬಿಎಸ್‌ವೈ ಜನ್ಮದಿನ ಪ್ರತೀವರ್ಷ ಬರುತ್ತದೆ. ಆಗ ಸಮಾವೇಶ ಮಾಡಿಲ್ಲ. ಈಗ ಗುಂಪುಗಾರಿಕೆ ಪ್ರದರ್ಶನಕ್ಕೆ ಯಡಿಯೂರಪ್ಪ ಅವಕಾಶ ಕೊಡಲಾರರು ಎಂಬುದು ನನ್ನ ಭಾವನೆ ಎಂದರು.