ಚಳಿಗಾಲದ ಒಲಿಂಪಿಕ್ಸ್‌; ಒಂದೇ ಧ್ವಜದಡಿ ಕೊರಿಯಾ ಪಥಸಂಚಲನ

ಸಿಯೋಲ್‌: ದಕ್ಷಿಣ ಕೊರಿಯಾದಲ್ಲಿ ಈ ವರ್ಷ ನಡೆಯಲಿರುವ ಚಳಿಗಾಲದ ಒಲಿಂಪಿಕ್ಸ್‌ನಲ್ಲಿ ಉತ್ತರ ಮತ್ತು ದಕ್ಷಿಣ ಕೊರಿಯಾ ಒಂದೇ ಧ್ವಜದ ಅಡಿಯಲ್ಲಿ ಪಥಸಂಚಲನ ನಡೆಸಲು ಒಪ್ಪಿಕೊಂಡಿವೆ. ಇದರ ಜತೆಗೆ ಮಹಿಳೆಯರ ವಿಭಾಗದ ಐಸ್‌ ಹಾಕಿಯಲ್ಲಿ ಒಂದೇ ತಂಡವಾಗಿ ಆಟವಾಡಲೂ ತೀರ್ಮಾನ ಕೈಗೊಳ್ಳಲಾಗಿದೆ.

ಸಿಯೋಲ್‌ನಲ್ಲಿ ಈ ಬಗ್ಗೆ ಬುಧವಾರ ನಡೆದ ಸಭೆಯಲ್ಲಿ ನಿರ್ಧಾರ ಕೈಗೊಳ್ಳಲಾಗಿದೆ. ಉತ್ತರ ಕೊರಿಯಾ 550 ಮಂದಿ ಕ್ರೀಡಾಪಟುಗಳನ್ನು, ಚಿಯರ್‌ ಲೀಡರ್‌ ಗಳನ್ನು ಕಳುಹಿಸಲು ಒಪ್ಪಿಕೊಂಡಿದೆ. ಇದೊಂದು ಶಾಂತಿ ಒಲಿಂಪಿಕ್ಸ್‌ ಆಗಬೇಕೆಂದು ದ.ಕೊರಿಯಾ ಒತ್ತಾಯಿಸಿದೆ.