ಇಂದು ಕಾಲೇಜ್‌ ಬಂದ್‌ ಇಲ್ಲ; ಎನ್‌ಎಸ್‌ಯುಐ

ಉಡುಪಿ: ವಿಶ್ವವಿದ್ಯಾನಿಲಯಗಳು ವಿವಿಧ ಸೆಮಿಸ್ಟರ್‌ಗಳ ಪರೀಕ್ಷೆಯ ಫಲಿತಾಂಶ ವಿಳಂಬ ಮಾಡುತ್ತಿರುವುದು, ವಿದ್ಯಾರ್ಥಿ ವೇತನದ ಸಮಸ್ಯೆ ಹಾಗೂ ಉಚಿತ ಬಸ್‌ ಪಾಸ್‌ ವಿತರಣೆ ಮಾಡದಿರುವುದನ್ನು ಖಂಡಿಸಿ, ಎಲ್ಲ ಕಾಲೇಜಿನ ವಿದ್ಯಾರ್ಥಿಗಳಿಗೂ ಮಾಹಿತಿಯ ಕರಪತ್ರ ವಿತರಿಸಲಿದ್ದೇವೆ. ಕಾಲೇಜಿನ ಶೈಕ್ಷಣಿಕ ಹಿತದೃಷ್ಟಿಯಿಂದ ಶನಿವಾರ ಕಾಲೇಜು ಬಂದ್‌ ಮಾಡುತ್ತಿಲ್ಲ. ಆದರೆ ಸಮಸ್ಯೆಯ ಅರಿವು ಎಲ್ಲರಲ್ಲೂ ಮೂಡಿಸಲಿದ್ದೇವೆ ಎಂದು ಎನ್‌ ಎಸ್‌ ಯು ಐ ಜಿಲ್ಲಾಧ್ಯಕ್ಷ ಸೌರಭ್‌ ಬಲ್ಲಾಳ್‌ ತಿಳಿಸಿದರು.

ಕೆಲವು ಕಾಲೇಜುಗಳಲ್ಲಿ ಇಂಟರ್ನಲ್‌ ಪರೀಕ್ಷೆ ನಡೆಯುತ್ತಿದೆ. ಇನ್ನು ಕೆಲವು ಕಾಲೇಜಿನಲ್ಲಿ ವಿವಿಧ ಕಾರ್ಯಕ್ರಮ, ಕಾರ್ಯಾಗಾರ ಇತ್ಯಾದಿ ಹಮ್ಮಿಕೊಳ್ಳಲಾಗಿದೆ. ಹೀಗಾಗಿ ವಿದ್ಯಾರ್ಥಿಗಳಿಗೆ ಶೈಕ್ಷಣಿಕವಾಗಿ ಯಾವುದೇ ಸಮಸ್ಯೆ ಆಗಬಾರದು ಎಂಬ ಉದ್ದೇಶದಿಂದ ಕಾಲೇಜು ಬಂದ್‌ ಮಾಡುತ್ತಿಲ್ಲ. ಆದರೆ, ಪ್ರತಿ ಕಾಲೇಜಿಗೂ ನಮ್ಮ ಸದಸ್ಯರು ಹೋಗಿ ಕರಪತ್ರ ಹಂಚಿ ಸಮಸ್ಯೆಯ ಬಗ್ಗೆ ಹರಿವು ಮೂಡಿಸಲಿದ್ದಾರೆ ಎಂದು ಹೇಳಿದರು.