ಸಾವರ್ಕರ್‌ ಹೆಸರಿನ ಕಾಲೇಜು: ಕಾಂಗ್ರೆಸ್‌, ಬಿಜೆಪಿ ಜಟಾಪಟಿ

ಹೊಸದಿಲ್ಲಿ: ದಿಲ್ಲಿ ವಿವಿ ವ್ಯಾಪ್ತಿಯಲ್ಲಿ ಆರಂಭವಾ ಗುತ್ತಿರುವ ಹೊಸ ಕಾಲೇಜಿಗೆ ಹಿಂದುತ್ವವಾದಿ ವೀರ ಸಾವರ್ಕರ್‌ ಹೆಸರಿಡುವ ವಿಚಾರವಾಗಿ ಬಿಜೆಪಿ- ಕಾಂಗ್ರೆಸ್‌ ಜಟಾಪಟಿ ಆರಂಭವಾಗಿದೆ.

ಕಾಂಗ್ರೆಸ್‌ನ ವಿದ್ಯಾರ್ಥಿ ಘಟಕವು ಈ ಕಾಲೇಜಿಗೆ ಸಾವರ್ಕರ್‌ ಬದಲಿಗೆ ಕಳೆದ ವಾರ ನಿಧನರಾದ ಮಾಜಿ ಪ್ರಧಾನಿ ಮನಮೋಹನ್‌ ಸಿಂಗ್‌ ಹೆಸರಿಡ ಬೇಕು ಎಂದಿದೆ. ಈ ವಿಚಾರವಾಗಿ ಪ್ರಧಾನಿಗೆ ಪತ್ರವನ್ನೂ ಬರೆದಿದೆ.ಸಾವರ್ಕರ್‌ಗೂ ದಿಲ್ಲಿಗೂ ಸಂಬಂಧವೇ ಇಲ್ಲ. ಇದು ಕೋಮುವಾದಕ್ಕೆ ಕಾರಣವಾಗಲಿದೆ ಎಂದು ಕಾಂಗ್ರೆಸ್‌ ನಾಯಕರು ಹೇಳಿದ್ದಾರೆ.

ಬಿಜೆಪಿ ಈ ನಿರ್ಧಾರವನ್ನು ಸಮರ್ಥಿಸಿಸಿ “ಕಾಂಗ್ರೆಸ್‌ಗೆ ಅಗ್ರಗಣ್ಯರನ್ನು ಅವಮಾನಿಸುವುದು ರೂಢಿಯಾಗಿದೆ. ಸಾವರ್ಕರ್‌ ಸ್ವಾತಂತ್ರ್ಯ ಹೋರಾಟಗಾರ. ಅವರ ಹೆಸರಿಡಲು ವಿವಿ ನಿರ್ಧರಿಸಿದ್ದನ್ನು ನಾವು ಸ್ವಾಗತಿಸುತ್ತೇವೆ’ ಎಂದಿದೆ.