New Delhi: ರಷ್ಯಾಗೆ ನೆರವು ಆರೋಪ; 19 ಭಾರತೀಯ ಸಂಸ್ಥೆಗಳಿಗೆ ಅಮೆರಿಕದಿಂದ ನಿರ್ಬಂಧ

ಹೊಸದಿಲ್ಲಿ: ಉಕ್ರೇನ್‌ ವಿರುದ್ಧ ರಷ್ಯಾ ನಡೆಸುತ್ತಿರುವ ದಾಳಿಗಳಿಗೆ ಬೆಂಬಲ ನೀಡಿದ ಆರೋಪದ ಹಿನ್ನೆಲೆ ಯಲ್ಲಿ ಇಬ್ಬರು ಭಾರತೀಯರು, 19 ಭಾರತೀಯ ಸಂಸ್ಥೆಗಳು ಸೇರಿದಂತೆ ಸುಮಾರು 15 ದೇಶಗಳಿಗೆ ಸೇರಿದ 400 ಸಂಸ್ಥೆಗಳು ಮತ್ತು ವ್ಯಕ್ತಿಗಳ ಮೇಲೆ ಅಮೆರಿಕ ನಿರ್ಬಂಧ ವಿಧಿಸಿದೆ.

ದಿಲ್ಲಿ ಮೂಲದ ‘ಅಸೆಂಡ್‌ ಏವಿಯೇಷನ್‌ ಪ್ರೈವೇಟ್‌ ಲಿಮಿಟೆಡ್‌’ ಸಂಸ್ಥೆ ಮತ್ತು ಅದರ ಇಬ್ಬರು ನಿರ್ದೇಶಕರೊಂದಿಗೆ ಉಕ್ರೇನ್‌ ವಿರುದ್ಧದ ಯುದ್ಧದಲ್ಲಿ ರಷ್ಯಾಗೆ ಸರಕು ಪೂರೈಕೆ ಮಾಡಿದೆ ಎಂದು ಆಪಾದಿಸಲಾದ “ಮಾಸ್ಕ್ ಟ್ರಾನ್ಸ್‌”, ‘ಟಿಎಸ್‌ಎಮ್‌ಡಿ ಗ್ಲೋಬಲ್‌ ಪ್ರೈವೇಟ್‌.ಲಿ’ ಸೇರಿದಂತೆ 19 ಸಂಸ್ಥೆಗಳಿಗೆ ನಿರ್ಬಂಧ ಹೇರಲಾಗಿದೆ. 2023ರಲ್ಲೂ ಬೆಂಗಳೂರು ಮೂಲದ ಎಸ್‌ಐ2 ಮೈಕ್ರೋಸಿಸ್ಟಮ್ಸ್‌ ಮೇಲೆ ನಿರ್ಬಂಧ ಹೇರಲಾಗಿತ್ತು.