75 ಸಿನಿಮಾ ಮಾಡಿದ್ದೇನೆ; ಮೀ ಟೂ ನಂತಹ ಕಹಿ ಘಟನೆ ನೋಡೆ ಇಲ್ಲ 

ಬೈಂದೂರು: ನಾನು ರಾಜ್‌ಕುಮಾರ್‌ ಕಾಲದಲ್ಲಿ ಚಿತ್ರರಂಗವನ್ನು ಕಂಡವಳು. ನಮ್ಮ ಕಾಲ ಸುವರ್ಣ ಯುಗವಾಗಿತ್ತು. ಮೀ ಟೂ ನಂತಹ ಒಂದೇ ಒಂದು ಘಟನೆ ನಾನು ನೋಡಿಲ್ಲ ಎಂದು ಸಚಿವೆ, ಹಿರಿಯ ನಟಿ ಜಯಮಾಲಾ ಗುರುವಾರ ಹೇಳಿಕೆ ನೀಡಿದ್ದಾರೆ.

ಬೈಂದೂರಿನ ನಾಗೂರಿನಲ್ಲಿ ನಡದ ಶಿವಮೊಗ್ಗ ಲೋಕಸಭಾ ಕ್ಷೇತ್ರದ ಮೈತ್ರಿ ಅಭ್ಯರ್ಥಿ ಮಧು ಬಂಗಾರಪ್ಪ ಅವರ ಪರ ಪ್ರಚಾರ ಸಭೆಯಲ್ಲಿ ಪಾಲ್ಗೊಂಡ ಬಳಿಕ ಸುದ್ದಿಗಾರರೊಂದಿಗೆ ಅವರು ಮಾತನಾಡಿದರು. 

ಅರ್ಜುನ್‌ ಸರ್ಜಾ ಸರಳ ಸಜ್ಜನ ನಟ.ಅವರ ತಂದೆಯ ಜೊತೆಗೂ ನಟಿಸಿದ್ದೆ ಎಂದರು.  

 ಹೆಣ್ಣನ್ನು ರಕ್ಷಿಸುವ ನೆಪದಲ್ಲಿ ಗಂಡಸನ್ನು ದೂಷಿಸುವುದು ತಪ್ಪು .ಮೀಟೂ ಹೆಣ್ಣನ್ನು ಹರಾಜು ಹಾಕುವ ಅಭಿಯಾನ ಆಗದಿರಲಿ.ಹೆಣ್ಣು ಮುಕ್ತವಾಗಿ ಸಮಸ್ಯೆ ಹೇಳಿಕೊಂಡು ಬಂದಾಗ ನಾವು ಬೆಂಬಲಿಸಬೇಕು ಎಂದರು.

ಮೀಟೂ ಆರೋಪದಿಂದ ಚಿತ್ರರಂಗವನ್ನು ಇಬ್ಬಾಗ ಮಾಡಲು ಸಾಧ್ಯವಿಲ್ಲ. ಸ್ಯಾಂಡಲ್‌ವುಡ್‌ಗೆ 85 ವರ್ಷ ಇತಿಹಾಸವಿದೆ ಎಂದರು.