ಅಮೆರಿಕದಲ್ಲಿ ನೂರು ಅಕ್ರಮ ಭಾರತೀಯ ವಲಸಿಗರು ಬಂಧನದಲ್ಲಿ

ವಾಷಿಂಗ್ಟನ್‌ : ಅಮೆರಿಕವನ್ನು ದಕ್ಷಿಣ ಗಡಿಯ ಮೂಲಕ ಅಕ್ರಮವಾಗಿ ಪ್ರವೇಶಿಸಿರುವ, ಪಂಜಾಬಿಗಳೇ ಅಧಿಕ ಸಂಖ್ಯೆಯಲ್ಲಿರುವ, ಸುಮಾರು 100 ಮಂದಿ ಭಾರತೀಯರನ್ನು ಎರಡು ಅಕ್ರಮ ವಲಸೆ ಬಂಧನ ಕೇಂದ್ರದಲ್ಲಿ ಇರಿಸಲಾಗಿದೆ. 

ಅಮೆರಿಕದಲ್ಲಿನ ಭಾರತೀಯ ದೂತಾವಾಸ ಆ ಎರಡು ವಲಸೆ ಬಂಧನ ಕೇಂದ್ರಗಳ ಅಧಿಕಾರಿಗಳೊಂದಿಗೆ ಸಂಪರ್ಕ ಬೆಳೆಸಿಕೊಂಡಿದೆ ಎಂದು ವರದಿಗಳು ತಿಳಿಸಿವೆ.

ಅಧಿಕಾರಿಗಳ ಪ್ರಕಾರ ಸುಮಾರು 40 ರಿಂದ 45 ಭಾರತೀಯರು ದಕ್ಷಿಣ ಅಮೆರಿಕದ ನ್ಯೂ ಮೆಕ್ಸಿಕೋದಲ್ಲಿನ ಒಕ್ಕೂಟ ಬಂಧನ ಕೇಂದ್ರದಲ್ಲಿ ಇದ್ದಾರೆ; ಇನ್ನೂ 52 ಮಂದಿ ಭಾರತೀಯರು, ಇವರಲ್ಲಿ ಹೆಚ್ಚಿನವರು ಸಿಕ್ಖರು ಮತ್ತು ಕ್ರೈಸ್ತರು, ಒರೆಗಾನ್‌ ವಲಸೆ ಬಂಧನ ಕೇಂದ್ರದಲ್ಲಿ ಇದ್ದಾರೆ.