ಕರ್ನಾಟಕಕ್ಕೆ ಎರಡು ಬೆಳ್ಳಿ, ಮೂರು ಕಂಚು

ಬೆಂಗಳೂರು: ನಾಗ್ಪುರದಲ್ಲಿ ನಡೆದ ಏರೋಬಿಕ್‌ ಜಿಮ್ನಾಸ್ಟಿಕ್‌ ರಾಷ್ಟ್ರೀಯ ಚಾಂಪಿಯನ್‌ಶಿಪ್‌ನಲ್ಲಿ  ಕರ್ನಾಟಕ ತಂಡದ ಸ್ಪರ್ಧಿಗಳು ಮಿಂಚಿನ ಪ್ರದರ್ಶನ ನೀಡಿದ್ದಾರೆ. ಒಟ್ಟಾರೆ 2 ಬೆಳ್ಳಿ ಹಾಗೂ 3 ಕಂಚಿನ ಪದಕವನ್ನು ಗೆದ್ದುಕೊಂಡಿದ್ದಾರೆ.

ಎಜಿ2 17 ವರ್ಷ ವಯೋಮಿತಿಯೊಳಗಿನ ವೈಯಕ್ತಿಕ ಮಹಿಳಾ ವಿಭಾಗದಲ್ಲಿ ಸಹರ್ಷಾ ಬೆಳ್ಳಿ ಪದಕಕ್ಕೆ ಮುತ್ತಿಕ್ಕಿದರು. 17 ವರ್ಷ ವಯೋಮಿತಿಯೊಳಗಿನ ಎಜಿ2 ಟ್ರಿಯೊ ವಿಭಾಗದಲ್ಲಿ ಇಶಾ, ಯೂನಿಕಾ ಮತ್ತು ದಿವ್ಯಶ್ರೀ ಒಳಗೊಂಡ ತಂಡ ಬೆಳ್ಳಿ ಪದಕ ಪಡೆಯಿತು. 11 ವರ್ಷ ವಯೋಮಿತಿಯೊಳಗಿನ ಟ್ರಿಯೊ ನ್ಯಾಷನಲ್‌ ಡೆವಲಪ್‌ಮೆಂಟ್‌ ವಿಭಾಗದಲ್ಲಿ ಸೋನಿಕಾ, ಮಾಹಿ ಮತ್ತು ರಿಷ್ಯಾ ಒಳಗೊಂಡ ತಂಡ ಕಂಚಿನ ಪದಕವನ್ನು ಕೊರಳಿಗೇರಿಸಿಕೊಂಡಿತು. 11 ವರ್ಷ ವಯೋಮಿತಿಯೊಳಗಿನ ಮಿಶ್ರ ತಂಡ ನ್ಯಾಷನಲ್‌ ಡೆವಲಪ್‌ಮೆಂಟ್‌ ವಿಭಾಗದಲ್ಲಿ ಸೋನಿಕಾ, ಶ್ರೇಷ್‌u ಜೋಡಿ ಕೂಡ ಕಂಚಿನ ಪದಕ ತನ್ನದಾಗಿಸಿಕೊಂಡಿತು. ಇನ್ನು ಹಿರಿಯರ ಏರೋಡ್ಯಾನ್ಸ್‌ ವಿಭಾಗದಲ್ಲಿ ಸ್ನೇಹಾ, ವಿಭಾ, ವಿಶಿಷ್ಟ, ಇಶಾ, ಯೂನಿಕಾ, ಖುಷಿ, ದಿವ್ಯ ಶ್ರೀ ಮತ್ತು ಸಹರ್ಷ ಒಳಗೊಂಡ ತಂಡ ಕಂಚಿನ ಪದಕ ಗೆದ್ದಿತು.