Karnataka ಸೇರಿ ವಿವಿಧ ರಾಜ್ಯದ ಸಾಧಕರ ಜತೆ ರಾಷ್ಟ್ರಪತಿ ಭೇಟಿ

ಹೊಸದಿಲ್ಲಿ: ಆಂಧ್ರಪ್ರದೇಶ, ಒಡಿಶಾ, ಸಿಕ್ಕಿಂ ಸೇರಿ ವಿವಿಧ ರಾಜ್ಯ­ಗಳಲ್ಲಿ ಬುಡಕಟ್ಟು ಹಾಗೂ ಗ್ರಾಮೀಣ ಪ್ರದೇಶದ ನಿವಾ­ಸಿಗಳ ಜನಜೀವನ ಸುಧಾರಿಸಲು ವಿವಿಧ ಆವಿಷ್ಕಾರಗಳನ್ನು ರೂಪಿಸಿರುವ 15 ಮಂದಿ ಯುವ ಸಾಧಕರನ್ನು ರಾಷ್ಟ್ರಪತಿ ದ್ರೌಪದಿ ಮುರ್ಮು ಭೇಟಿಯಾಗಿದ್ದಾರೆ.

1ಎಂ1ಬಿ ಹೆಸರಿನ ಎನ್‌ಜಿಒ ಅಡಿಯಲ್ಲಿ ಯುವ ಸಾಧಕರು ವಿವಿಧ ಆವಿಷ್ಕಾರಗ­ಳನ್ನು ರೂಪಿಸಿದ್ದಾರೆ. ಈ ಪೈಕಿ ಪಠ್ಯಪುಸ್ತಕಗಳನ್ನು ಬ್ರೈಲ್‌ ಲಿಪಿಗೆ ಪರಿವರ್ತಿಸುವ ಸಾಫ್ಟ್ವೇರ್‌ ಅಭಿವೃದ್ಧಿ, ಕಣ್ಣಿನ ಸನ್ನೆಗಳನ್ನು ಮಾತಿಗೆ ಬದಲಿಸುವ ಸಾಧನ ಸೇರಿ ವಿವಿಧ ಆವಿಷ್ಕಾರಗಳಿವೆ ಎಂದು ಎನ್‌ಜಿಒ ಸಂಸ್ಥಾಪಕ ಸುಬೋಧ್‌ ಹೇಳಿದ್ದಾರೆ.