ಝೆಲಿಯಾಂಗ್‌ ಸರಕಾರ ವಿಶ್ವಾಸಮತದಲ್ಲಿ ಪಾಸ್‌

ಕೊಹಿಮಾ: ನಾಗಾಲ್ಯಾಂಡ್‌ನ‌ ರಾಜಕೀಯ ಬಿಕ್ಕಟ್ಟು ತೆರೆ ಕಂಡಿದ್ದು, ಮುಖ್ಯಮಂತ್ರಿ ಟಿ. ಆರ್‌. ಝೆಲಿಯಾಂಗ್‌ ಅವರ ಸರಕಾರಕ್ಕೆ ವಿಶ್ವಾಸಮತ ಪ್ರಾಪ್ತವಾಗಿದೆ. ಹಲವು ನಾಟಕೀಯ ಬೆಳವಣಿಗಳ ಬಳಿಕ 2 ದಿನಗಳ ಹಿಂದೆಯಷ್ಟೆ ಝೆಲಿಯಾಂಗ್‌ ರಾಜ್ಯದ ಮುಖ್ಯಮಂತ್ರಿಯಾಗಿ ಅಧಿಕಾರ ವಹಿಸಿಕೊಂಡಿದ್ದರು. 

ಶುಕ್ರವಾರ ವಿಧಾನಸಭೆಯಲ್ಲಿ ಅವರು ವಿಶ್ವಾಸಮತ ಸಾಬೀತುಪಡಿಸುವಲ್ಲಿ ಯಶಸ್ವಿಯಾದರು. 59 ಶಾಸಕರ ಪೈಕಿ ಅವರಿಗೆ 47 ಮತಗಳು ಪ್ರಾಪ್ತವಾಗಿದ್ದು, ಭಾರೀ ಮತಗಳ ಅಂತರದಲ್ಲಿ ವಿಶ್ವಾಸ‌ ಗಳಿಸಿಕೊಂಡಿದ್ದಾರೆ. ಇದರಲ್ಲಿ ಎನ್‌ಪಿಎಫ್ 36 ಶಾಸಕರು, ಬಿಜೆಪಿಯ 4 ಹಾಗೂ 7 ಪಕ್ಷೇತರರು ಸೇರಿದ್ದಾರೆ. ಇನ್ನೊಂದೆಡೆ ಮಾಜಿ ಸಿಎಂ ಶೆರ್‌ಹೊಜೆಲಿ ಲಿಜಿಟ್ಸು ಅವರಿಗೆ ಕೇವಲ 11 ಮತಗಳು ಸಿಕ್ಕಿವೆ.