ಮುರ್ಷಿದಾಬಾದ್‌ ಬಸ್‌ ದುರಂತ: ಮೃತರ ಸಂಖ್ಯೆ 43ಕ್ಕೆ

ಬಹರಾಂಪುರ, ಪಶ್ಚಿಮ ಬಂಗಾಲ : ಮುರ್ಶಿದಾಬಾದ್‌ನಲ್ಲಿ ಕಾಲುವೆಗೆ ಸರಕಾರಿ ಬಸ್ಸು ಉರುಳಿ ಬಿದ್ದ ದುರಂತದಲ್ಲಿ ಮೃತಪಟ್ಟವರ ಸಂಖ್ಯೆ 43ಕ್ಕೇರಿದೆ.

ರಕ್ಷಣಾ ಕಾರ್ಯಕರ್ತರು ಇಂದು ಕಾಲುವೆಯಿಂದ ಇನ್ನೂ ಒಬ್ಬ ಪ್ರಯಾಣಿಕನ ಮೃತ ದೇಹವನ್ನು ಮೇಲಕ್ಕೆತ್ತಿದರು. 

ಇನ್ನೂ ಐವರು ಈ ದುರ್ಘ‌ಟನೆಯಲ್ಲಿ ನಾಪತ್ತೆಯಾಗಿರುವುದಾಗಿ ಅವರ ಸಂಬಂಧಿಕರು ದೂರಿರುವ ಕಾರಣ ಶವಗಳ ಹುಡುಕಾಟವನ್ನು ಮುಂದುವರಿಸಲಾಗಿದೆ. ಬಸ್ಸಿನಲ್ಲಿದ್ದವರ ಸಂಖ್ಯೆ ಎಷ್ಟೆಂದು ನಿಖರವಾಗಿ ಗೊತ್ತಿಲ್ಲದಿರುವ ಕಾರಣ ನಾಪತ್ತೆಯಾಗಿರುವವರ ಸಂಖ್ಯೆ ಗೊತ್ತಿಲ್ಲ ಎಂದು ಹಿರಿಯ ಜಿಲ್ಲಾ ಅಧಿಕಾರಿ ತಿಳಿಸಿದ್ದಾರೆ. 

ಸೋಮವಾರ ಬೆಳಗ್ಗೆ ನಡೆದಿದ್ದ  ಈ ದುರ್ಘ‌ಟನೆಯಲ್ಲಿ ಈ ತನಕ 42 ಮೃತದೇಹಗಳನ್ನು ಮೇಲಕ್ಕೆತ್ತಲಾಗಿದೆ; ಎಂಟು ಮಂದಿ ಗಾಯಾಳುಗಳನ್ನು ರಕ್ಷಿಸಲಾಗಿದೆ. 40 ಮೃತ ದೇಹಗಳನ್ನು ಗುರುತಿಸಲಾಗಿದೆ ಎಂದು ಅಧಿಕಾರಿ ತಿಳಿಸಿದ್ದಾರೆ.