ಮುದ್ರಾಡಿ: ವಿವಿಧ ಅಭಿವೃದ್ಧಿ ಕಾಮಗಾರಿಗೆ ಚಾಲನೆ

ಹೆಬ್ರಿ: ಮುದ್ರಾಡಿ ಗ್ರಾ.ಪಂ ವ್ಯಾಪ್ತಿಯಲ್ಲಿ ರೂ. 1.50 ಕೋಟಿ ವೆಚ್ಚದ ವಿವಿಧ ಅಭಿವೃದ್ಧಿ ಕಾಮಗಾರಿಯ ಕಾಂಕ್ರೀಟ್‌ ರಸ್ತೆಗೆ ಜು.9ರಂದು ಶಾಸಕ ವಿ. ಸುನಿಲ್‌ ಕುಮಾರ್‌ ಚಾಲನೆ ನೀಡಿದರು.

ಉಪ್ಪಳ ಸಣ್ಣ ಹರಿಜನ ಮನೆಯಿಂದ ಪ.ಜಾತಿ ಕಾಲನಿ ರಸ್ತೆ, ಗುಂಡಾಳ ರಸ್ತೆ, ಬೆಳಗುಂಡಿ ಪ.ಜಾತಿ ಕಾಲನಿ ರಸ್ತೆ, ಬಲ್ಲಾಡಿ ಪ.ಜಾತಿ ಕಾಲನಿ ರಸ್ತೆ, ಉಜೂರು ಪ. ಜಾತಿ ಕಾಲನಿ ರಸ್ತೆ, ಕಬ್ಬಿನಾಲೆ ಗ್ರಾಮದ ಬಾಲ್ಚಾರು ರಸ್ತೆ ಕಾಂಕ್ರೀಟೀಕರಣಕ್ಕೆ  ಗುದ್ದಲಿ ಪೂಜೆ ನರವೇರಿಸಲಾಯಿತು.

ಈ ಸಂದರ್ಭ ಜಿ.ಪಂ. ಸದಸ್ಯೆ ಜ್ಯೋತಿ ಹರೀಶ್‌, ತಾ.ಪಂ. ಸದಸ್ಯರಾದ ಲಕ್ಷ್ಮೀ ದಯಾನಂದ, ರಮೇಶ್‌ ಕುಮಾರ್‌, ಹೆಬ್ರಿ ಬಿಜೆಪಿ ಶಕ್ತಿಕೇಂದ್ರದ ಅಧ್ಯಕ್ಷ ಹುಣ್ಸೆದಡಿ ಸುರೇಶ್‌ ಶೆಟ್ಟಿ, ಗಣಪತಿ ಎಂ., ಮುದ್ರಾಡಿ ಗ್ರಾಮೀಣ ಬಿಜೆಪಿ ಅಧ್ಯಕ್ಷ  ಕಬ್ಬಿನಾಲೆ ಶ್ರೀಕರ ಭಾರದ್ವಾಜ್‌, ಗ್ರಾ.ಪಂ. ಸದಸ್ಯರಾದ ಯಶೋದಾ ನಾಯ್ಕ, ಉದಯ ಗೌಡ, ವಸಂತಿ, ರತ್ನಾ, ವಸಂತಿ, ಕಸ್ತೂರಿ ಕುಲಾಲ್‌, ಸಂತೋಷ್‌ ಶೆಟ್ಟಿ ಉಪ್ಪಳ, ಮಂಜುನಾಥ ಹೆಗ್ಡೆ ಮೊದಲಾದವರು ಉಪಸ್ಥಿತರಿದ್ದರು.