ಪ್ರಗತಿ ಪರಿಶೀಲಿಸಿದ ಮೋದಿ

ಹೊಸದಿಲ್ಲಿ:  ರಸ್ತೆ, ಗ್ರಾಮೀಣಾಭಿವೃದ್ಧಿ, ನಗರ ಮತ್ತು ಗ್ರಾಮೀಣ ಪ್ರದೇಶಗಳಲ್ಲಿ ಮನೆಗಳ ನಿರ್ಮಾಣ, ರೈಲ್ವೆ ಯೋಜನೆ, ಬಂದರು ಮತ್ತು ವಿಮಾನ ನಿಲ್ದಾಣ ಕಾಮಗಾರಿ ಗಳ ಪ್ರಗತಿ ಪರಿಶೀಲನೆಯನ್ನು ಪ್ರಧಾನಿ ನರೇಂದ್ರ ಮೋದಿ ನಡೆಸಿದ್ದಾರೆ.

2017-18ನೇ ಸಾಲಿನಲ್ಲಿ ರಸ್ತೆ ನಿರ್ಮಾಣದಲ್ಲಿ ಉಂಟಾದ ಪ್ರಗತಿ ಪ್ರತಿ ದಿನಕ್ಕೆ 26.93 ಕಿಮೀ ಆಗಿದೆ. 2013-14ನೇ ಸಾಲಿನಲ್ಲಿ ಪ್ರತಿ ದಿನದ ಕಾಮಗಾರಿ 11.77 ಕಿಮೀ ಆಗಿತ್ತು. ಇದರ ಜತೆಗೆ ಸಾರಿಗೆ ವಲಯದಲ್ಲಿ ಡಿಜಿಟಲೀಕರಣದಲ್ಲಿ ಸಾಧಿಸಿದ ಪ್ರಗತಿಯನ್ನು ಅವರಿಗೆ ವಿವರಿಸಲಾಯಿತು.

2014 ಮತ್ತು 2018ರ ನಡುವೆ 44 ಸಾವಿರ ಗ್ರಾಮಗಳಿಗೆ ರಸ್ತೆ ಸಂಪರ್ಕ ಕಲ್ಪಿಸಲಾಗಿದೆ ಎಂದು ಪ್ರಧಾನಿಯವರಿಗೆ ಅಧಿಕಾರಿಗಳು ವಿವರಿಸಿದ್ದಾರೆ.