ಏಷ್ಯನ್‌ ಬಾಕ್ಸಿಂಗ್‌ ತಂಡ ಪ್ರಕಟ: ಮೇರಿ ಕೋಮ್‌, ಸರಿತಾಗೆ ಸ್ಥಾನ

ನವದೆಹಲಿ: ವಿಯೆಟ್ನಾಂನಲ್ಲಿ ನಡೆಯಲಿರುವ ಏಷ್ಯನ್‌ ಮಹಿಳಾ ಬಾಕ್ಸಿಂಗ್‌ ಚಾಂಪಿಯನ್‌ಶಿಪ್‌ಗೆ ಭಾರತ ತಂಡವನ್ನು ಪ್ರಕಟಿಸಲಾಗಿದೆ.  ಭಾರತ ತಂಡದಲ್ಲಿ ಲಂಡನ್‌ ಒಲಿಂಪಿಕ್ಸ್‌ ಕಂಚಿನ ಪದಕ ವಿಜೇತೆ ಮೇರಿ ಕೋಮ್‌, ಖ್ಯಾತ ಬಾಕ್ಸರ್‌ ಸರಿತಾದೇವಿ ಸ್ಥಾನ ಪಡೆದುಕೊಂಡಿದ್ದಾರೆ.

ಮೇರಿ ಕೋಮ್‌ 6ನೇ ಸಲ ಕೂಟದಲ್ಲಿ ಸ್ಪರ್ಧಿಸಲಿದ್ದಾರೆ. 48 ಕೆ.ಜಿ ವಿಭಾಗದಲ್ಲಿ ಕೂಟದಲ್ಲಿ ಅವರು ಸೆಣಸಲಿದ್ದಾರೆ. ಸರಿತಾ ದೇವಿ 64 ಕೆ.ಜಿ ವಿಭಾಗದಲ್ಲಿ ಸೆಣಸಲಿದ್ದಾರೆ. ಉಳಿದಂತೆ ನೀರಜ್‌ (51 ಕೆ.ಜಿ), ಸೋನಿಯಾ (57 ಕೆ.ಜಿ), ಪವಿತ್ರ (60 ಕೆ.ಜಿ), ಲೊವೆಲಿನಾ (69 ಕೆ.ಜಿ), ಪೂಜಾ ರಾಣಿ (75 ಕೆ.ಜಿ), ಸವೇತಿ ಬೋರಾ (81 ಕೆ.ಜಿ) ಹಾಗೂ ಸೀಮಾ ಪೂನಿಯಾ (81ಪ್ಲಸ್‌ ಕೆ.ಜಿ) ವಿಭಾಗದಲ್ಲಿ ಸ್ಪರ್ಧಿಸಲಿದ್ದಾರೆ. ನವೆಂಬರ್‌ 2ರಿಂದ 11ರವರೆಗೆ ಕೂಟ ನಡೆಯಲಿದೆ.