ಈ ಕಳ್ಳರ ಕೈಚಳಕ​ ನೋಡಿದ್ರೆ ಬೆಚ್ಚಿ ಬೀಳ್ತೀರಾ?

ವಾಷಿಂಗ್ಟನ್‌: ಮನೆಯಲ್ಲಿರುವ ಬೆಲೆ ಬಾಳುವ ವಸ್ತುಗಳನ್ನೆಲ್ಲ ಕಳ್ಳತನ ಮಾಡುವುದು ಮಾಮೂಲು. ಆದರೆ ಅಮೆರಿಕದ ಮಿಚಿಗನ್‌ನಲ್ಲಿ ಕಳ್ಳರು ಪೂರ್ತಿ ಮನೆಯನ್ನೇ ಕಳವು ಮಾಡಿದ್ದಾರೆ!

ಹೌದು. ಅಲ್ಲಿನ ವ್ಯಕ್ತಿಯೊಬ್ಬ 12-28 ಅಡಿಯ ಸಣ್ಣದೊಂದು ಕ್ಯಾಬಿನ್‌ ರೀತಿಯ ಮನೆ ಮಾಡಿಕೊಂಡು ವಾಸಿಸುತ್ತಿದ್ದ. ಕಳೆದ ವರ್ಷದ ಅಂತ್ಯದ ವೇಳೆಗೆ ಆತ ಕೆಲಸವೊಂದಕ್ಕಾಗಿ ಬೇರೆ ಊರಿಗೆ ತೆರಳಿ ತಿಂಗಳ ಕಾಲ ನೆಲೆಸಿದ್ದನಂತೆ. ಈ ವೇಳೆ ಆತನ ಮನೆಯನ್ನೇ ಯಾರೋ ಕದ್ದಿದ್ದಾರೆ.

ಈ ವಿಚಾರವಾಗಿ ಆತ ಪೊಲೀಸರಿಗೆ ದೂರು ನೀಡಿದ್ದಾನೆ. ಕೋಲ್ಡ್‌ ಸ್ಪ್ರಿಂಗ್‌ ಟೌನ್‌ಶಿಪ್‌ ಬಳಿ ಇದ್ದ ಮನೆ 2021ರ ನ.18-ಡಿ.16ರ ಮಧ್ಯದಲ್ಲಿ ಕಳ್ಳತನವಾಗಿದ್ದು, ಕಳ್ಳರಿಗಾಗಿ ಹುಡುಕಾಟ ನಡೆಯುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.