ಮಣಿಕಾ-ಅರ್ಚನಾ ಜೋಡಿಗೆ ಟಿಟಿ ಪ್ರಶಸ್ತಿ

ಹೊಸದಿಲ್ಲಿ: ಭಾರತದ ಮಣಿಕಾ ಬಾತ್ರಾ-ಅರ್ಚನಾ ಗಿರೀಶ್‌ ಕಾಮತ್‌ ಸ್ಲೊವೇನಿಯಾದ ಲಾಸ್ಕೋದಲ್ಲಿ ನಡೆದ “ವರ್ಲ್ಡ್ ಟೇಬಲ್‌ ಟೆನಿಸ್‌ ಕಂಟೆಂಡರ್‌’ ಕೂಟದ ವನಿತಾ ಡಬಲ್ಸ್‌ ಪ್ರಶಸ್ತಿಯನ್ನು ತಮ್ಮದಾಗಿಸಿಕೊಂಡಿದ್ದಾರೆ.

ಫೈನಲ್‌ನಲ್ಲಿ 36ನೇ ರ್‍ಯಾಂಕಿಂಗ್‌ನ ಭಾರತೀಯ ಜೋಡಿ ಪೋರ್ಟೊ ರಿಕೋದ “ಡಯಾಜ್‌ ಸಿಸ್ಟರ್’ ಖ್ಯಾತಿಯ ಅಡ್ರಿಯಾನಾ ಡಯಾಜ್‌-ಮೆಲಾನಿ ಡಯಾಜ್‌ ವಿರುದ್ಧ 11-3, 11-8, 12-10 ಅಂತರದ ಜಯ ಸಾಧಿಸಿದರು. ರ್‍ಯಾಂಕಿಂಗ್‌ನಲ್ಲಿ ಡಯಾಜ್‌ ಸೋದರಿಯರು ಭಾರತದ ಜೋಡಿಗಿಂತ 13 ಸ್ಥಾನ ಮೇಲಿದ್ದರು.

ಇದನ್ನೂ ಓದಿ:ಐಸಿಸಿ ಟಿ-20 ವಿಶ್ವಕಪ್: ಕ್ಯಾಪ್ಟನ್‌ ಕೊಹ್ಲಿಗೆ ಗೆಲುವಿನ ವಿದಾಯ

ಮಣಿಕಾ-ಅರ್ಚನಾ ಸೆಮಿಫೈನಲ್‌ನಲ್ಲಿ ಚೀನದ ಲ್ಯೂ ವೀಶಾನ್‌-ವಾಂಗ್‌ ಯಿದಿ ವಿರುದ್ಧ ಜಯ ಸಾಧಿಸಿದ್ದರು.”ಈ ಪ್ರಶಸ್ತಿಯ ಸಂಭ್ರಮ ವಿಶೇಷವಾದುದು. ನಾನು ಮಣಿಕಾ ದಿ ಜತೆ ಆಡುವುದನ್ನು ಯಾವತ್ತೂ ಆನಂದಿಸುತ್ತೇನೆ. ಅವರ ಪ್ರಾಬಲ್ಯ, ಹಿಡಿತ ಅಮೋಘ. ಹೀಗಾಗಿ ನನಗೆ ನಿರಾಳವಾಗಿ ಆಡಲು ಸಾಧ್ಯವಾಗುತ್ತದೆ’ ಎಂದು ಅರ್ಚನಾ ಗಿರೀಶ್‌ ಕಾಮತ್‌ ಪ್ರತಿಕ್ರಿಯಿಸಿದ್ದಾರೆ.