ಹೈದರಾಬಾದ್‌: ಸಿಂಹವೆಂದರೆ ಎಂಥವರೂ ಹೆದರುತ್ತಾರೆ. ಹಾಗಿರುವಾಗ ವ್ಯಕ್ತಿ ಮೃಗಾಲಯದಲ್ಲಿರುವ ಸಿಂಹದೊಂದಿಗೆ ಕುಚೇಷ್ಟೆ ಮಾಡಲು ತೆರಳಿದ್ದು, ಪೇಚಿಗೆ ಸಿಲುಕಿದ್ದಾನೆ.
ಸಾಯಿ ಕುಮಾರ್‌(31) ಎಂಬಾತ ಹೈದರಾಬಾದ್‌ನ ನೆಹರೂ ಮೃಗಾಲಯಕ್ಕೆ ಮಂಗಳವಾರ ಭೇಟಿ ಕೊಟ್ಟಿದ್ದಾನೆ.
ಅಲ್ಲಿ ಆತ ಸಿಂಹವಿರುವ ಸ್ಥಳದ ಬೇಲಿ ಹಾರಿ ಬಂಡೆಯ ಮೇಲೆ ನಡೆದುಹೋಗಲಾರಂಭಿಸಿದ್ದಾನೆ.
ಆ ಹೊತ್ತಿಗೆ ಬಂಡೆಯ ಕೆಳಗಿದ್ದ ಸಿಂಹ ಆತನನ್ನು ಕಂಡಿದ್ದು, ಗುರಿಯಿಟ್ಟು ಆತನನ್ನೇ ನೋಡಲಾರಂಭಿಸಿದೆ. ಹೆದರಿದ ಸಾಯಿ ಅಲ್ಲಿಯೇ ಸುಮ್ಮನೆ ಕುಳಿತಿದ್ದಾನೆ.
ಇದನ್ನೂ ಓದಿ:ಸೋನಿಯಾ ಕ್ಷೇತ್ರದ ಕಾಂಗ್ರೆಸ್ ಶಾಸಕಿ ಅದಿತಿ ಸಿಂಗ್ ಬಿಜೆಪಿ ಸೇರ್ಪಡೆ
ಮೃಗಾಲಯದಲ್ಲಿದ್ದ ಇತರರು ಅದನ್ನು ಕಂಡು, ಸಹಾಯಕ್ಕಾಗಿ ಕೂಗಿದ್ದಾರೆ. ನಂತರ ಮೃಗಾಲಯದ ಸಿಬ್ಬಂದಿ ಬಂದು, ಸಾಯಿಯನ್ನು ಕಾಪಾಡಿದ್ದಾರೆ.
ಪೊಲೀಸ್‌ ದೂರು ದಾಖಲಿಸಲಾಗಿದ್ದು, ಆತನನ್ನು ಪೊಲೀಸರಿಗೆ ಒಪ್ಪಿಸಲಾಗಿದೆ.ಆ ಘಟನೆಯ ವಿಡಿಯೋ ವೈರಲ್ ಆಗಿದೆ.
