ಅಣೆಕಟ್ಟು ಒಡೆದು ನೂರಾರು ಮಂದಿ ಸಾವು, ಸಾವಿರಾರು ಮಂದಿ ನಿರಾಶ್ರಿತ

ಲಂಡನ್‌: ಲಾವೋಸ್‌ನ ಆಗ್ನೇಯ ಭಾಗದ ಅಟ್ಟಪ್ಯು ಎಂಬಲ್ಲಿ ಜಲವಿದ್ಯುತ್‌ ಯೋಜನೆಗಾಗಿ ನಿರ್ಮಾಣವಾಗುತ್ತಿದ್ದ ಅಣೆಕಟ್ಟು ಕುಸಿದು ಬಿದ್ದ ಕಾರಣ ಉಂಟಾದ ಹಠಾತ್‌ ಪ್ರವಾಹಕ್ಕೆ ನೂರಾರು ಮಂದಿ ಬಲಿಯಾಗಿರುವ ಶಂಕೆಯಿದೆ. ಪ್ರವಾಹದಿಂದಾಗಿ 6 ಗ್ರಾಮಗಳಿಗೆ ನೀರು ನುಗ್ಗಿದ್ದು, 6 ಸಾವಿರಕ್ಕೂ ಅಧಿಕ ಮಂದಿ ಮನೆ ಕಳೆದುಕೊಂಡಿದ್ದಾರೆ.ನೂರಾರು ಮಂದಿ ನಾಪತ್ತೆಯಾಗಿದ್ದಾರೆ. ಅಂತಾರಾಷ್ಟ್ರೀಯ ಮಾಧ್ಯಮಗಳಲ್ಲಿ ಮನೆಯ ತಾರಸಿಯಲ್ಲಿ ಜನರು ನಿಂತಿರುವ ಫೋಟೋಗಳು ವೈರಲ್‌ ಆಗಿವೆ.