ರಾಹುಲ್‌ ವರ್ಸಸ್‌ ಮಾರ್ಗನ್‌

ದುಬಾೖ: ಸದ್ಯ ಅಂಕಪಟ್ಟಿಯಲ್ಲಿ 4ನೇ ಸ್ಥಾನದಲ್ಲಿರುವ ಕೆಕೆಆರ್‌ ಮತ್ತು ಆರಕ್ಕೆ ಕುಸಿದಿರುವ ಪಂಜಾಬ್‌ ಕಿಂಗ್ಸ್‌ ಶುಕ್ರವಾರ ರಾತ್ರಿ ಪರಸ್ಪರ ಎದುರಾಗಲಿವೆ. 4ನೇ ಸ್ಥಾನವನ್ನು ಮತ್ತಷ್ಟು ಭದ್ರಪಡಿಸಿ ಪ್ಲೇ ಆಫ್‌ಗೆ ಏರುವ ಅವಕಾಶ ಹೊಂದಿ ರುವ ಕೆಕೆಆರ್‌ಗೆ ಈ ಪಂದ್ಯ ಅತ್ಯಂತ ಮಹತ್ವದಾಗಿದೆ.

ಅಹ್ಮದಾಬಾದ್‌ನಲ್ಲಿ ನಡೆದ ಸಣ್ಣ ಮೊತ್ತದ ಮೊದಲ ಸುತ್ತಿನ ಪಂದ್ಯದಲ್ಲಿ ಕೆಕೆಆರ್‌ 5 ವಿಕೆಟ್‌ಗಳಿಂದ ಪಂಜಾಬ್‌ಗ ಸೋಲುಣಿಸಿತ್ತು. ಪಂಜಾಬ್‌ ಕಿಂಗ್ಸ್‌ 9 ವಿಕೆಟಿಗೆ ಕೇವಲ 123 ರನ್‌ ಗಳಿಸಿದರೆ, ಕೆಕೆಆರ್‌ 16.4 ಓವರ್‌ಗಳಲ್ಲಿ 5 ವಿಕೆಟಿಗೆ 126 ರನ್‌ ಮಾಡಿ ಗೆಲುವು ಕಂಡಿತ್ತು.

ಈ ಸೋಲಿಗೆ ಸೇಡು ತೀರಿಸಿಕೊಂಡರೆ ಪ್ಲೇ ಆಫ್‌ ರೇಸ್‌ನಲ್ಲಿ ಪಂಜಾಬ್‌ ಕೂಡ ಕಾಣಿಸಿಕೊಳ್ಳಲಿದೆ. ಎಡವಿದರೆ ರಾಹುಲ್‌ ಪಡೆಯ ಹಾದಿ ದುರ್ಗಮಗೊಳ್ಳಲಿದೆ.