Delhi : 4ನೇ ಸಮನ್ಸ್‌ ಅನ್ನೂ ಧಿಕ್ಕರಿಸಿದ ಕೇಜ್ರಿ: ಇ.ಡಿ. ವಿರುದ್ಧವೇ ಕಿಡಿ

ನವದೆಹಲಿ: ದೆಹಲಿ ಅಬಕಾರಿ ನೀತಿ ಪ್ರಕರಣ ಸಂಬಂಧ ಜಾರಿ ನಿರ್ದೇಶನಾಲಯ ನೀಡಿದ್ದ 4ನೇ ಸಮನ್ಸ್‌ ಅನ್ನೂ ಧಿಕ್ಕರಿಸಿರುವ ದೆಹಲಿ ಮುಖ್ಯಮಂತ್ರಿ ಅರವಿಂದ ಕೇಜ್ರಿವಾಲ್‌, ಗುರುವಾರವೂ ವಿಚಾರಣೆಗೆ ಹಾಜರಾಗಿಲ್ಲ.

ಆದರೆ, ಸುದ್ದಿಗೋಷ್ಠಿ ನಡೆಸಿ ಇ.ಡಿ. ವಿರುದ್ಧ ಕಿಡಿಕಾರಿರುವ ಅವರು, “ಈ ಪ್ರಕರಣದಲ್ಲಿ ನಾನು ಆರೋಪಿಯೇ ಅಲ್ಲ ಅಂದ ಮೇಲೆ ನನಗೆ ಸಮನ್ಸ್‌ ಜಾರಿ ಮಾಡುತ್ತಿರುವುದೇಕೆ’ ಎಂದು ಪ್ರಶ್ನಿಸಿದ್ದಾರೆ. ಅಲ್ಲದೆ, ಮುಂಬರುವ ಲೋಕಸಭೆ ಚುನಾವಣೆಗೆ ನಾನು ಪ್ರಚಾರ ನಡೆಸಬಾರದು ಎಂಬ ಕಾರಣಕ್ಕೆ “ಕಾನೂನುಬಾಹಿರ’ವಾಗಿ ಸಮನ್ಸ್‌ ಜಾರಿ ಮಾಡಲಾಗುತ್ತಿದೆ ಎಂದೂ ಆರೋಪಿಸಿದ್ದಾರೆ.