Delhi: ಮತದಾರ ಪಟ್ಟಿಯಿಂದ ಭಾರೀ ಸಂಖ್ಯೆಯಲ್ಲಿ ಹೆಸರು ಡಿಲೀಟ್‌: ಆಪ್‌ ಆರೋಪ

ಹೊಸದಿಲ್ಲಿ: ಮುಂಬರುವ ದಿಲ್ಲಿ ವಿಧಾನಸಭೆ ಚುನಾವಣೆ ಹಿನ್ನೆಲೆಯಲ್ಲಿ ಮತದಾರರ ಪಟ್ಟಿಯಿಂದ ಭಾರೀ ಸಂಖ್ಯೆಯಲ್ಲಿ ಮತದಾರರ ಹೆಸರು ತೆಗೆದು ಹಾಕಲಾಗಿದ್ದು, ಈ ಪೈಕಿ ಬಹುತೇಕರು ಆಮ್‌ ಆದ್ಮಿ ಪಕ್ಷದ ಬೆಂಬಲಿಗರು ಎಂದು ಆಪ್‌ ಹೇಳಿದೆ.

ಬಿಜೆಪಿ ನೀಡಿದ ಅರ್ಜಿ ಆಧರಿಸಿ ಮತದಾರರ ಹೆಸರನ್ನು ಚುನಾವಣ ಆಯೋಗ ತೆಗೆದು ಹಾಕಿದೆ ಎಂದು ಆಪ್‌ ಮುಖ್ಯಸ್ಥ ಕೇಜ್ರಿವಾಲ್‌ ದೂರಿದ್ದಾರೆ. ಶಹ್ದಾರಾ, ಜನಕಪುರಿ, ಲಕ್ಷ್ಮೀ ನಗರ, ಆರ್‌.ಕೆ.ಪುರಂ ಸೇರಿ ವಿವಿಧ ಕ್ಷೇತ್ರಗಳಲ್ಲಿ ಈ ರೀತಿಯಾಗಿದೆ. ಶಹ್ದಾರಾ ಒಂದರಲ್ಲೇ 11 ಸಾವಿರಕ್ಕೂ ಅಧಿಕ ಅರ್ಜಿಯನ್ನು ಬಿಜೆಪಿ ಸಲ್ಲಿಸಿದೆ.

ಈ ಪೈಕಿ 500 ಅರ್ಜಿ ಆಪ್‌ ಪರಿಶೀಲನೆ ಮಾಡಿದಾಗ 372 ಮಂದಿ ಹಾಲಿ ಸ್ಥಳದಲ್ಲೇ ಇರುವುದು ಪತ್ತೆಯಾಗಿದೆ. ಶಹ್ದಾರಾ ಕ್ಷೇತ್ರದಲ್ಲಿ 11 ಸಾವಿರ ಮತದಾರರ ಹೆಸರಿಲ್ಲ ಎಂದಿದ್ದಾರೆ.