ತಮಿಳು ಬಿಗ್‌ಬಾಸ್‌ ನಡೆಸಿಕೊಡಲಿದ್ದಾರೆ ಕಮಲ್‌

ಚೆನ್ನೈ: ವರ್ಷಾಂತ್ಯದೊಳಗೆ “ವಿಶ್ವರೂಪಂ-2′ ಅನ್ನು ಬಿಡುಗಡೆ ಮಾಡುವುದಾಗಿ ಹೇಳಿಕೊಂಡ ಜನಪ್ರಿಯ ನಟ ಕಮಲ್‌ಹಾಸನ್‌ ಕಿರು ತೆರೆಯಲ್ಲಿ ತಮ್ಮ ಸಾಮರ್ಥ್ಯ ತೋರಿಸಲಿದ್ದಾರೆ. 

“ಸ್ಟಾರ್‌ ವಿಜಯ್‌’ ತಮಿಳು ಚಾನೆಲ್‌ನಲ್ಲಿ ಶೀಘ್ರವೇ ಪ್ರಸಾರವಾಗಲಿರುವ ಬಿಗ್‌ ಬಾಸ್‌ ಕಾರ್ಯಕ್ರಮ ವನ್ನು ಅವರೇ ನಡೆಸಿಕೊಡಲಿದ್ದಾರೆ. “ನಾನು ಈಗಾಗಲೇ ಹಲವು ಪಾತ್ರಗಳನ್ನು ಮಾಡಿ ಪ್ರೇಕ್ಷಕರಿಂದ ಸೈ ಎನಿಸಿಕೊಂಡಿ ದ್ದೇನೆ. ಆದರೆ ಈಗ ಹೊಸ ಪಾತ್ರಕ್ಕೆ ಹೊರಟಿದ್ದೇನೆ.  ಇಲ್ಲಿಯವರೆಗೆ ರಿಯಾಲಿಟಿ ಟಿವಿಯಲ್ಲಿ  ನನ್ನ ರಿಯಾಲಿಟಿ ಏನು ಎಂದು ತಿಳಿದುಕೊಂಡಿರಲಿಲ್ಲ. ಅದರಲ್ಲೂ ಪ್ರಯತ್ನ ನಡೆಸಲಿದ್ದೇನೆ,’ ಎಂದು ಹೇಳಿಕೊಂಡಿದ್ದಾರೆ.