ಮೈಸೂರು: ಅಂತಾರಾಷ್ಟ್ರೀಯ ಕ್ರಿಕೆಟ್‌ ಮೈದಾನ?

ಮೈಸೂರು: ಸಾತಗಳ್ಳಿ ಬಡಾವಣೆಯಲ್ಲಿ ಹಿಂದೆ ಗುರುತಿಸಲಾಗಿರುವ ಜಾಗದ ಕುರಿತಂತೆ ಮತ್ತೂಮ್ಮೆ ಕೆಎಸ್‌ಸಿಎ ಹಾಗೂ ನಗರಾಭಿವೃದ್ಧಿ ಪ್ರಾಧಿಕಾರದ ನಡುವೆ ಮಾತುಕತೆ ನಡೆದಿದ್ದು, ಇಲ್ಲಿ ಅಂತಾರಾಷ್ಟ್ರೀಯ ಮಟ್ಟದ ಕ್ರಿಕೆಟ್‌ ಮೈದಾನದ ನಿರೀಕ್ಷೆ ಮತ್ತೆ ಮೂಡಿದೆ.

ಬುಧವಾರ  ಕರ್ನಾಟಕ ರಾಜ್ಯ ಕ್ರಿಕೆಟ್‌ ಸಂಸ್ಥೆ  (ಕೆಎಸ್‌ಸಿಎ) ಹಾಗೂ ನಗರಾಭಿವೃದ್ಧಿ ಪ್ರಾಧಿಕಾರದ ನಡುವೆ  ಸಭೆ ನಡೆದಿದ್ದು, ಹಂಚ್ಯಾ-ಸಾತಗಳ್ಳಿ ನಡುವೆ ಇರುವ ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರಕ್ಕೆ ಸೇರಿದ ಜಾಗವನ್ನು ಕೆಸಿಎಗೆ ನೀಡಲು ತೀರ್ಮಾನಿಸಿದೆ.  ಇದನ್ನು  ಕ್ರಯಕ್ಕೆ ನೀಡಬೇಕೇ ಅಥವಾ ಗುತ್ತಿಗೆ ಆಧಾರದಲ್ಲಿ ನೀಡಬೇಕೆ ಎಂಬುದು ಇನ್ನೂ ಅಂತಿಮಗೊಂಡಿಲ್ಲ.

ಸೆ.9ರಂದು ಮುಖ್ಯಮಂತ್ರಿ ಜತೆ ಅಂತಿಮ ಚರ್ಚೆ ನಡೆ ಸಲು ತೀರ್ಮಾನಿಸಲಾಯಿತು. ಈ ಜಾಗದಲ್ಲಿ 50 ಕೋ.ರೂ. ವೆಚ್ಚದಲ್ಲಿ ಅಂತಾರಾಷ್ಟ್ರೀಯ ದರ್ಜೆಯ  ಸ್ಟೇಡಿಯಂ ನಿರ್ಮಾಣ ಮಾಡಲಾಗುವುದು ಎಂದು ಕೆಎಸ್‌ಸಿಎ ಖಜಾಂಚಿ ವಿನಯ್‌ ಮೃತ್ಯುಂಜಯ ಹೇಳಿದರು.