ಎರಡು ಯುದ್ಧ ನೌಕೆಗಳಿಗೆ ವಿದಾಯ

ಮುಂಬಯಿ: ಯುದ್ಧನೌಕೆಗಳಾದ ಐಎನ್‌ಎಸ್‌ ನಿರ್ಭಿಕ್‌ ಮತ್ತು ಐಎಸ್‌ಎಸ್‌ ನಿರ್ಘ‌ತ್‌ಗಳನ್ನು ನೌಕಾಸೇನೆ ಸೇವೆಯಿಂದ ಗುರುವಾರ ಹಿಂಪಡೆದಿದೆ. ಇಲ್ಲಿಯ ನೌಕಾಂಗಣದಲ್ಲಿ ನಡೆದ ಸಾಂಪ್ರದಾಯಿಕ ಸಮಾರಂಭದಲ್ಲಿ ಈ ಎರಡೂ ನೌಕೆಗಳಿಗೆ ವಿದಾಯ ಹೇಳಲಾಯಿತು ಎಂದು ನೌಕಾಸೇನೆ ವಕ್ತಾರರು ತಿಳಿಸಿದ್ದಾರೆ.

ನೌಕೆಯ ಧ್ವಜವನ್ನು ಅರ್ಧಕ್ಕೆ ಹಾರಿಸಲಾಯಿತು ಮತ್ತು ತ್ರಿಕೋನಾಕೃತಿಯ ಧ್ವಜವನ್ನು ಹಾರಿಸಲಾಯಿತು. ಈ ಸಮಾರಂಭದಲ್ಲಿ ರೇರ್‌ ಅಡ್ಮಿರಲ್‌ ಆರ್‌.ಬಿ. ಪಂಡಿತ್‌ ಮುಖ್ಯ ಅತಿಥಿಯಾಗಿ ಭಾಗವಹಿಸಿದ್ದರು. ಎರಡೂ ಯುದ್ಧ ನೌಕೆಗಳು ಕ್ರಮವಾಗಿ 30 ಮತ್ತು 28 ವರ್ಷಗಳು ಸೇವೆ ಸಲ್ಲಿಸಿವೆ.