Pakistan ಸೂಚನೆ; ಭಾರತದ ಯಾತ್ರಿಗಳು ಡಾಲರ್‌ ಮಾತ್ರ ಬಳಸಿ

ಅಮೃತಸರ: ವಿದೇಶಿ ವಿನಿಮಯ ಕೊರತೆಗೆ ತುತ್ತಾಗಿರುವ ಪಾಕಿಸ್ಥಾನ, ತಮ್ಮ ದೇಶಕ್ಕೆ ಬರುವ ಭಾರತೀಯ ಯಾತ್ರಾರ್ಥಿಗಳು ರೂಪಾಯಿಯ ಬದಲು ಡಾಲರ್‌ನಲ್ಲಿ ವ್ಯವಹರಿಸುವಂತೆ ಸೂಚಿಸಿದೆ. ಆದರೆ ಇದಕ್ಕೆ ಕಳವಳ ವ್ಯಕ್ತಪಡಿಸಿರುವ ಭಾರ ತೀಯ ಸಿಕ್ಖ್ ಸಂಘಟನೆಗಳು, “ಯಾತ್ರಿಕರು ವೀಸಾ ಖಚಿತವಾ­ಗದೇ ಡಾಲರ್‌ ಸಂಗ್ರಹಿಸಲು ಸಾಧ್ಯವಿಲ್ಲ. ಯಾತ್ರಾರ್ಥಿಗಳು ತಮ್ಮ ನಿರ್ಗಮನಕ್ಕೂ ಒಂದು ದಿನ ಮುಂಚಿತವಾಗಿ ವೀಸಾ ಪಡೆದರೆ, ಕಡಿಮೆ ಸಮಯದಲ್ಲಿ ವಿದೇಶಿ ಕರೆನ್ಸಿ ವ್ಯವಸ್ಥೆ ಮಾಡಿಕೊಳ್ಳಲು ಪರದಾಡಬೇಕಾಗುತ್ತದೆ ಎಂದು ಆಗ್ರಹಿಸಿವೆ.