Chennai: ನೇಮಕಾತಿ ಜಾಹೀರಾತಲ್ಲಿ ವೈವಾಹಿಕ ಮಾನದಂಡ ತೆಗೆಯಲು ಸೂಚನೆ ?

ಚೆನ್ನೈ: ಭಾರತದಲ್ಲಿರುವ ಆ್ಯಪಲ್‌ಫೋನ್‌ ತಯಾರಿಕಾ ಘಟಕಗಳಿಗೆ ಉದ್ಯೋಗಿಗಳನ್ನು ನೇಮಿಸಿಕೊಳ್ಳಲು ವಿಧಿಸಿರುವ ವಯಸ್ಸು, ಲಿಂಗ ಹಾಗೂ ವೈವಾಹಿಕ ಮಾನದಂಡಗಳನ್ನು ಜಾಹೀರಾತುಗಳಲ್ಲಿ ತೆಗೆದುಹಾಕುವಂತೆ ನೇಮಕಾತಿ ಪ್ರಕ್ರಿಯೆಗೆ ಸಹಾಯ ಮಾಡುವ ಎಲ್ಲಾ ಏಜೆಂಟ್‌ಗಳಿಗೆ ಫಾಕ್ಸ್‌ಕಾನ್‌ ಸಂಸ್ಥೆ ತಿಳಿಸಿದೆ ಎಂದು ಮೂಲಗಳು ಹೇಳಿವೆ.

ಜತೆಗೆ ಜಾಹೀರಾತುಗಳಲ್ಲಿ ಉತ್ಪಾದಕರ ಹೆಸರನ್ನು ಹಾಕದಂತೆ ತಿಳಿಸಿದೆ ಎನ್ನಲಾಗಿದೆ. ಜೂನ್‌ನಲ್ಲಿ ವಿವಾಹಿತ ಮಹಿಳೆಯರಿಗೆ ಕೆಲಸ ನೀಡದೇ ಫಾಕ್ಸ್‌ಕಾನ್‌ ತಾರತಮ್ಯ ಅನುಸರಿಸುತ್ತಿದೆ ಎಂದು ಮಾಧ್ಯಮಗಳು ವರದಿ ಮಾಡಿದ್ದು, ಸಂಸ್ಥೆಯ ಈ ನಡೆ ವಿವಾದಕ್ಕೀಡಾಗಿತ್ತು.

ಬಳಿಕ ಸಂಸ್ಥೆ ತಮ್ಮಲ್ಲಿ ಮಹಿಳಾ ಉದ್ಯೋಗಿಗಳು ಇದ್ದಾರೆಂದು ಪ್ರತಿಪಾದಿಸಿತ್ತು. ಇದೀಗ ಜಾಹೀರಾತುಗಳಲ್ಲಿ ಆ ಮಾನದಂಡಗಳನ್ನು ಬಳಸದಂತೆ ಸೂಚಿಸಿದೆ ಎನ್ನಲಾಗಿದೆ. ಆದರೆ, ಈ ಬಗ್ಗೆ ಫಾಕ್ಸ್‌ಕಾನ್‌ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.