Indian Army ಅರುಣಾಚಲ ಗ್ರಾಮಕ್ಕೆ “ಸೇನೆ ಸೇತು’ ನಿರ್ಮಾಣ

ಕೋಲ್ಕತಾ:ಅರುಣಾಚಲ ಪ್ರದೇಶದಲ್ಲಿ ಚೀನಾ ಜತೆಗೆ ಅಂತಾರಾಷ್ಟ್ರೀಯ ಗಡಿಯನ್ನು ಹೊಂದಿರುವ ಅಂಜಾ ಜಿಲ್ಲೆಯ ಚಗ್ಲೋಹಾಗಂ ಎಂಬ ಗ್ರಾಮಕ್ಕೆ 120 ಅಡಿ ಉದ್ದದ ಕಾಲು ಸೇತುವೆ ನಿರ್ಮಾಣ ಮಾಡಲಾಗಿದೆ.

ಬಾರ್ಡರ್‌ ರೋಡ್‌ ಆರ್ಗನೈಸೇಷನ್‌ ಸಹಯೋಗದಲ್ಲಿ ಭಾರತೀಯ ಸೇನೆ ಮತ್ತು ಅರುಣಾಚಲ ಪ್ರದೇಶ ಸರ್ಕಾರ ಅದನ್ನು ನಿರ್ಮಾಣ ಮಾಡಿದೆ. ಈ ಬಗ್ಗೆ ಸ್ಥಳೀಯ ಜನರು ಭಾರತೀಯ ಸೇನೆ ಮತ್ತು ಇತರ ಸಂಸ್ಥೆಗಳಿಗೆ ಕೃತಜ್ಞತೆ ಸಲ್ಲಿಸಿದ್ದಾರೆ.

ಮಳೆಗಾಲದ ಸಂದರ್ಭದಲ್ಲಿ ಈ ಗ್ರಾಮಕ್ಕೆ ಭೂಕುಸಿತದಿಂದಾಗಿ ರಸ್ತೆ ಸಂಪರ್ಕ ಕಡಿದು ಹೋಗುತ್ತದೆ. ಕಾಲು ಸೇತುವೆ ನಿರ್ಮಾಣದಿಂದ ಗಡಿ ಪ್ರದೇಶದ ಕುಗ್ರಾಮದ ಜನರಿಗೆ ನಡೆದುಕೊಂಡು ಅನುಕೂಲವಾಗಲಿದೆ. ಹಾಯುಲಿಯಾಂಗ್‌ ಎಂಬ ಜಿಲ್ಲೆಯ ನಗರದಿಂದ ಈ ಗ್ರಾಮಕ್ಕೆ 57 ಕಿಮೀ ದೂರವಿದೆ.