ಬೆಂಗಳೂರಿನಲ್ಲಿ ಭಾರತ- ಮಾಲ್ಡೀವ್ಸ್‌   ವನಿತಾ ಫುಟ್‌ಬಾಲ್‌

ಹೊಸದಿಲ್ಲಿ: ಭಾರತ-ಮಾಲ್ಡೀವ್ಸ್‌ ವನಿತಾ ಫ‌ುಟ್‌ಬಾಲ್‌ ತಂಡಗಳ ನಡುವೆ ಡಿ. 30 ಮತ್ತು ಜ. 2ರಂದು ಬೆಂಗಳೂರಿನಲ್ಲಿ ಫಿಫಾ ಇಂಟರ್‌ನ್ಯಾಶನಲ್‌ ಸೌಹಾರ್ದ ಪಂದ್ಯಗಳು ನಡೆಯಲಿವೆ. ಇಲ್ಲಿನ ಪಡುಕೋಣೆ-ದ್ರಾವಿಡ್‌ ನ್ಪೋರ್ಟ್ಸ್ ಎಕ್ಸಲೆನ್ಸ್‌ನಲ್ಲಿ ಈ ಪಂದ್ಯಗಳನ್ನು ಆಡಲಾಗುವುದು ಎಂದು ಅಖೀಲ ಭಾರತ ಫ‌ುಟ್‌ಬಾಲ್‌ ಫೆಡರೇಶನ್‌ (ಎಐಎಫ್ಎಫ್) ತಿಳಿಸಿದೆ.

ಫಿಫಾ ರ್‍ಯಾಂಕಿಂಗ್‌ನಲ್ಲಿ ಭಾರತ 69ನೇ, ಮಾಲ್ಡೀವ್ಸ್‌ 163ನೇ ಸ್ಥಾನದಲ್ಲಿದೆ. ಭಾರತದ ವನಿತೆಯರು ಕೊನೆಯ ಅಂತಾರಾಷ್ಟ್ರೀಯ ಪಂದ್ಯವಾಡಿದ್ದು ಕಳೆದ ಅಕ್ಟೋಬರ್‌ನಲ್ಲಿ. ಅದು ನೇಪಾಲ ವಿರುದ್ಧದ ಸ್ಯಾಫ್ ಚಾಂಪಿಯನ್‌ಶಿಪ್‌ ಸೆಮಿಫೈನಲ್‌ ಪಂದ್ಯವಾಗಿತ್ತು.