ವಿಶ್ವ ಜೂನಿಯರ್‌ ಸ್ಕ್ವಾಷ್‌: ಭಾರತಕ್ಕೆ 6ನೇ ಸ್ಥಾನ

ಹೊಸದಿಲ್ಲಿ:  ವಿಶ್ವ ಜೂನಿಯರ್‌ ಸ್ಕ್ವಾಷ್‌ ಚಾಂಪಿಯನ್‌ಶಿಪ್‌ನಲ್ಲಿ ಭಾರತದ ಬಾಲಕಿಯರ ತಂಡ 6ನೇ ಸ್ಥಾನ ಪಡೆದುಕೊಳ್ಳಲಷ್ಟೇ ಶಕ್ತವಾಗಿದೆ.

ನ್ಯೂಜಿಲ್ಯಾಂಡ್‌ನ‌ಲ್ಲಿ ನಡೆದ ಕೂಟದ 5 ಮತ್ತು 6ನೇ ಸ್ಥಾನಕ್ಕೆ ನಡೆದ ಪಂದ್ಯದಲ್ಲಿ ಭಾರತ 1-2 ರಿಂದ ಅಮೆರಿಕ ವಿರುದ್ಧ ಸೋಲುಂಡಿತು. ಭಾರತ ತಂಡದಲ್ಲಿ ಸುನನ್ಯಾ ಕುರುವಳ್ಳಿ ಮಾತ್ರ ಜಯ ಸಾಧಿಸಿದರೆ ಉಳಿದಂತೆ ಆಕಾಂಕ್ಷಾ ಮತ್ತು ಐಶ್ವರ್ಯ ಭಟ್ಟಾಚಾರ್ಯ ಸೋಲುಂಡರು. ಹೀಗಾಗಿ ಭಾರತ 1-2 ರಿಂದ ನಿರಾಶೆ ಅನುಭವಿಸಿತು. ಇದಕ್ಕೂ ಮುನ್ನ 2015ರಲ್ಲಿ ನಡೆದ ಇದೇ ಕೂಟದಲ್ಲಿ ಭಾರತ 8ನೇ ಸ್ಥಾನ ಪಡೆದಿತ್ತು. ಹೀಗಾಗಿ ಇದು ಭಾರತದ ಉತ್ತಮ ಸಾಧನೆಯಾಗಿದೆ.