ಇಂದು ಮಧ್ಯರಾತ್ರಿವರೆಗೂ ತೆರಿಗೆ ಕಚೇರಿ ಓಪನ್‌

ಹೊಸದಿಲ್ಲಿ: ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಸಲು ಶನಿವಾರ ಕೊನೇ ದಿನವಾಗಿದ್ದು, ಮಧ್ಯರಾತ್ರಿಯವರೆಗೂ ತೆರಿಗೆ ಕಚೇರಿಗಳು ಕಾರ್ಯಾರಂಭಿಸಲಿವೆ ಎಂದು ಆದಾಯ ತೆರಿಗೆ ಇಲಾಖೆ ಹೇಳಿದೆ. 5 ಲಕ್ಷ ರೂ.ಗಳಿಗಿಂತ ಕಡಿಮೆ ಆದಾಯವಿರುವವರು ಮತ್ತು ಹಿರಿಯ ನಾಗರಿಕರು ಯಾವುದೇ ಸಮಸ್ಯೆಯಿಲ್ಲದೇ ರಿಟರ್ನ್ಸ್ ಸಲ್ಲಿಸಲು ಅನುಕೂಲವಾಗುವಂತೆ ದೇಶಾದ್ಯಂತ ಎಲ್ಲ ಕಚೇರಿಗಳೂ ಮಧ್ಯರಾತ್ರಿವರೆಗೆ ತೆರೆದಿರುವಂತೆ ಸೂಚಿಸಲಾಗಿದೆ ಎಂದಿದೆ ಇಲಾಖೆ. 80 ವಯಸ್ಸು ಮೇಲ್ಪಟ್ಟವರು ಮತ್ತು 5 ಲಕ್ಷಕ್ಕಿಂತ ಕಡಿಮೆ ಆದಾಯ ವಿರುವವರು ಮರುಪಾವತಿ ಬಯಸದಿದ್ದರೆ, ಅವರಿಗೆ ಸಹಜ್‌ ಮತ್ತು ಸುಲಭ್‌ ನಮೂನೆಯ ಮೂಲಕ ರಿಟರ್ನ್ಸ್ ಫೈಲ್‌ ಮಾಡುವ ಅವಕಾಶವಿದೆ.