World Heritage ಹೊಯ್ಸಳ ದೇಗುಲಗಳು ವಿಶ್ವ ಪರಂಪರೆಯ ತಾಣ

ಬೆಂಗಳೂರು: ಕರ್ನಾಟಕದ ಬೇಲೂರು, ಹಳೇಬೀಡು ಹಾಗೂ ಸೋಮನಾಥಪುರದಲ್ಲಿರುವ ಹೊಯ್ಸಳ ದೇಗುಲಗಳು ಯುನೆಸ್ಕೋದ ವಿಶ್ವ ಪಾರಂಪರಿಕ ತಾಣಗಳ ಪಟ್ಟಿಗೆ ಸೇರ್ಪಡೆ ಯಾಗಿವೆ.

2014ರಿಂದ ಯುನೆಸ್ಕೋನ ತಾತ್ಕಾಲಿಕ ಪಟ್ಟಿಯಲ್ಲಿದ್ದ ದೇಗುಲಗಳು ಈಗ ಅಧಿಕೃತವಾಗಿ ಪಟ್ಟಿಯಲ್ಲಿ ಸೇರಿವೆ. ವಿಶ್ವ ಪಾರಂಪರಿಕ ತಾಣಗಳ 2022- 23ರ ಪಟ್ಟಿಗೆ ಇವು ಭಾರತದಿಂದ ನಾಮ ನಿರ್ದೇಶನಗೊಂಡಿದ್ದವು. 12 ಮತ್ತು 13ನೇ ಶತಮಾನದ ದ್ರಾವಿಡ ಶೈಲಿಯ ಹೊಯ್ಸಳ ಶಿಲ್ಪಕಲೆಗೆ ದೇಗುಲಗಳು ಹೆಸರುವಾಸಿಯಾಗಿವೆ.

ವಿಶ್ವ ಪಾರಂಪರಿಕ ತಾಣಗಳಿಗೆ ಪಟ್ಟಿಗೆ ಸೇರ್ಪಡೆಯಾದ ಭಾರತದ 42ನೇ ತಾಣ ಇದಾಗಿದೆ. ಇತ್ತೀಚೆಗಷ್ಟೇ ರವೀಂದ್ರನಾಥ್‌ ಠಾಗೋರರ ಶಾಂತಿನಿಕೇತನವನ್ನು ಯುನೆಸ್ಕೊ ಪಾರಂಪರಿಕ ತಾಣಗಳ ಪಟ್ಟಿ ಯಲ್ಲಿ ಸೇರಿಸಲಾಗಿತ್ತು.