ಮುಂದಿನ ವರ್ಷದಿಂದ ಹಜ್‌ ಯಾತ್ರೆ ಪೂರ್ಣ ಡಿಜಿಟಲ್‌

ಮುಂಬೈ: ಮುಂದಿನ ವರ್ಷದ ಭಾರತೀಯರ ಹಜ್‌ ಯಾತ್ರಾಪ್ರಕ್ರಿಯೆಗಳೆಲ್ಲ ಪೂರ್ಣವಾಗಿ ಡಿಜಿಟಲ್‌ ರೂಪದಲ್ಲೇ ಇರಲಿವೆ ಎಂದು ಕೇಂದ್ರ ಅಲ್ಪಸಂಖ್ಯಾತ ವ್ಯವಹಾರಗಳ ಸಚಿವ ಮುಖ್ತಾರ್ ಅಬ್ಬಾಸ್ ನಖ್ವಿ ಹೇಳಿದ್ದಾರೆ.

ಮುಂಬೈನ ಹಜ್‌ ಭವನದಲ್ಲಿ ಆನ್‌ಲೈನ್‌ ಕಾಯ್ದಿರಿಸುವಿಕೆ ಸೌಲಭ್ಯಕ್ಕೆ ಚಾಲನೆ ನೀಡಿ ಅವರು ಮಾತನಾಡಿದರು. ಕೋವಿಡ್‌ ಕಾರಣಕ್ಕೆ ಕಳೆದವರ್ಷ ಮತ್ತು ಈ ವರ್ಷ ಹಜ್‌ ಯಾತ್ರೆ ನಡೆದಿಲ್ಲ. ಮುಂದಿನವರ್ಷ ಹೇಗೆ ಎನ್ನುವುದರ ಬಗ್ಗೆ ಸೌದಿ ಅರೇಬಿಯ ಸರ್ಕಾರವನ್ನು ಸಂಪರ್ಕಿಸಿ ತಿಳಿಸುವುದಾಗಿ ನಖ್ವಿ ಹೇಳಿದ್ದಾರೆ.

ಈ ಸಂಬಂಧ ಅ.21ಕ್ಕೆ ಹಜ್‌ ಪರಿಶೀಲನಾ ಸಮಿತಿ ಸಭೆ ನಡೆಯಲಿದೆ. ಇದರಲ್ಲಿ ಸೌದಿ ಅರೇಬಿಯದ ಭಾರತದ ರಾಯಭಾರಿ, ಜೆಡ್ಡಾ ಪ್ರತಿನಿಧಿ, ವಿದೇಶಾಂಗ ಇಲಾಖೆ, ಅಲ್ಪಸಂಖ್ಯಾತ ಇಲಾಖೆ, ಆರೋಗ್ಯ ಮತ್ತು ನಾಗರಿಕ ವಿಮಾನಯಾನ ಖಾತೆ ಅಧಿಕಾರಿಗಳು ಪಾಲ್ಗೊಳ್ಳಲಿದ್ದಾರೆ.

ಇದನ್ನೂ ಓದಿ:100 ಕೋಟಿ ಕೋವಿಡ್ ವ್ಯಾಕ್ಸಿನ್ ದಾಖಲೆ ಬರೆಯುತ್ತಿದ್ದೇವೆ : ಜೆ.ಪಿ.ನಡ್ಡಾ