ನಾಳೆ ಜಿಸ್ಯಾಟ್‌31 ನಭಕ್ಕೆ

ಹೊಸದಿಲ್ಲಿ: ಇಸ್ರೋ ತನ್ನ 40ನೇ ಸಂವಹನ ಉಪಗ್ರಹ ಜಿಸ್ಯಾಟ್‌ 31 ಅನ್ನು ಫ್ರೆಂಚ್‌ ಗಯಾನಾ ಉಡಾವಣಾ ನೆಲೆಯಿಂದ ಬುಧವಾರ ಉಡಾವಣೆ ಮಾಡಲಿದೆ. 15 ವರ್ಷಗಳ ಬಾಳಿಕೆ ಅವಧಿ ಹೊಂದಿರುವ ಈ ಉಪಗ್ರಹ, ಕೆಯು ಬ್ಯಾಂಡ್‌ ಟ್ರಾನ್ಸ್‌ಪಾಂಡರ್‌ ಸಾಮರ್ಥ್ಯವನ್ನು ಗಮನಾರ್ಹವಾಗಿ ಹೆಚ್ಚಿಸಲಿದೆ. 2.535 ಕಿಲೋ ತೂಕ ಹೊಂದಿರುವ ಈ ಉಪಗ್ರಹವನ್ನು ಕೌರೌನಿಂದ ಎರಿಯಾನೆ 5 ಉಡಾವಣ ವಾಹನದ ಮೂಲಕ ಗಗನಕ್ಕೆ ಚಿಮ್ಮಿಸಲಾಗುತ್ತದೆ. ವಿಸ್ಯಾಟ್‌ ನೆಟ್‌ವರ್ಕ್‌ಗಳು, ಟೆಲಿವಿಷನ್‌ ಅಪ್‌ಲಿಂಕ್‌ಗಳು, ಡಿಜಿಟಲ್‌ ಸ್ಯಾಟಲೈಟ್‌ ಸುದ್ದಿ ಸಂಗ್ರಹ, ಡಿಟಿಎಚ್‌ ಟೆಲಿವಿಷನ್‌ ಸೇವೆ, ಸೆಲ್ಯುಲರ್‌ ನೆಟ್‌ವರ್ಕ್‌ಗೆ ಪೂರಕ ವ್ಯವಸ್ಥೆ ಮತ್ತು ಇತರ ಹಲವು ಸೌಲಭ್ಯಗಳಿಗೆ ಇದು ಅನುಕೂಲಕಾರಿ.