ISRO: ಗಗನಯಾನ ವೆಲ್‌ಡೆಕ್‌ ಪರೀಕ್ಷಾರ್ಥ ಕಾರ್ಯಾಚರಣೆ ಯಶಸ್ವಿ: ಇಸ್ರೋ ಮಾಹಿತಿ

ಹೊಸದಿಲ್ಲಿ: ಗಗನಯಾನಕ್ಕೆ ಬಳಸಲಾಗುವ ಬಾಹ್ಯಾಕಾಶ ನೌಕೆಯನ್ನು ಮರಳಿ ಪಡೆಯುವ “ವೆಲ್‌ ಡೆಕ್‌’ನ ಪರೀಕ್ಷಾರ್ಥ ಕಾರ್ಯಾಚರಣೆ ಯಶಸ್ವಿಯಾಗಿದೆ ಎಂದು ಮಂಗಳವಾರ ಇಸ್ರೋ ತಿಳಿಸಿದೆ.

ನೌಕಾಪಡೆಯ ಸಹಯೋಗದೊಂದಿಗೆ ಡಿ.6ರಂದು ವಿಶಾಖಪಟ್ಟಣದಲ್ಲಿರುವ ನೌಕಾನೆಲೆಯಲ್ಲಿ ಈ ಪರೀಕ್ಷೆಯನ್ನು ನಡೆಸಿದ್ದಾಗಿ ಸಂಸ್ಥೆ ಹೇಳಿದೆ.

ಬಾಹ್ಯಾಕಾಶಕ್ಕೆ ತೆರಳುವ ಗಗನಯಾನ ನೌಕೆಯು ಕಾರ್ಯಾಚರಣೆ ಪೂರ್ಣಗೊಂಡ ಬಳಿಕ ಸಮುದ್ರಕ್ಕೆ ಬೀಳಲಿದೆ. ಬಳಿಕ ಈ “ವೆಲ್‌ ಡೆಕ್‌’ ಅನ್ನು ಅಳವಡಿಸಿದ ಹಡಗು ಸಮುದ್ರಕ್ಕೆ ತೆರಳಿ ನೌಕೆ, ಸಿಬ್ಬಂದಿಯನ್ನು ನಿಗದಿತ ಸಮಯದಲ್ಲಿ ಸುರಕ್ಷಿತವಾಗಿ ಕರೆತರುತ್ತದೆ.