Advertisement

ಹೂ ಕೊಟ್ಟು ಪ್ರತಿಭಟಿಸಿದ ಬೆಳೆಗಾರರು

12:38 AM Oct 01, 2019 | Team Udayavani |

ಬೆಂಗಳೂರು: ರಾಜ್ಯದಲ್ಲಿ ಹೆಚ್ಚಾಗುತ್ತಿರುವ ಚೀನಾದ ಪ್ಲಾಸ್ಟಿಕ್‌ ಹೂವುಗಳ ಬಳಕೆ ವಿರೋಧಿಸಿ ದಕ್ಷಿಣ ಭಾರತ ಹೂ ಬೆಳೆಗಾರರ ಸಂಘದ ಸದಸ್ಯರು ಸಾರ್ವಜನಿಕರಿಗೆ ನಿಜವಾದ ಹೂಗಳನ್ನು ನೀಡುವ ಮೂಲಕ ವಿನೂತನವಾಗಿ ಪ್ರತಿಭಟಿಸಿದರು. ಈ ವೇಳೆ ರೈತರು ತಾವು ಬೆಳೆದಿರುವ 10 ಲಕ್ಷ ರೂ. ಮೌಲ್ಯದ ಹೂವುಗಳನ್ನು ಸಾರ್ವಜನಿಕರಿಗೆ ಹಂಚಿ, ಆ ಮೂಲಕ ಪ್ಲಾಸ್ಟಿಕ್‌ ಹೂವುಗಳ ಬಳಕೆ ಬೇಡ ಎಂದು ಜಾಗೃತಿ ಮೂಡಿಸಿದರು.

Advertisement

ಸಂಘದ ನಿರ್ದೇಶಕ ಶ್ರೀಕಾಂತ್‌ ಮಾತನಾಡಿ, ಕರ್ನಾಟಕದಲ್ಲಿ ಹೂ ಬೆಳೆಗಾರರು ಸುಮಾರು ಐದು ಸಾವಿರ ಹೆಕ್ಟರ್‌ ಪಾಲಿಹೌಸ್‌ಗಳ ಮೂಲಕ ಗುಲಾಬಿ ಸೇರಿದಂತೆ 25ಕ್ಕೂ ಹೆಚ್ಚು ಬಗೆಯ ಹೂಗಳನ್ನು ಬೆಳೆಯುತ್ತಿದ್ದಾರೆ. ಅಲ್ಲದೆ, ರಾಜ್ಯದಲ್ಲಿ 2.8 ಲಕ್ಷ ಹೆಕ್ಟರ್‌ ಪ್ರದೇಶದಲ್ಲಿ ಕಾಕಡ, ಮಲ್ಲಿಗೆ, ಚೆಂಡು ಹೂವು, ಸಂಪಿಗೆ, ಕನಕಾಂಬರ ಸೇರಿದಂತೆ 40 ಬಗೆಯ ಹೂಗಳನ್ನು ಬೆಳೆಯಲಾಗುತ್ತದೆ.

ಆದರೆ, ಚೀನಾದಿಂದ ಆಮದಾಗುವ ಕೃತಕ ಪ್ಲಾಸ್ಟಿಕ್‌ ಹೂಗಳ ಬಳಕೆ ಪ್ರಮಾಣ ವರ್ಷದಿಂದ ವರ್ಷಕ್ಕೆ ಹೆಚ್ಚಾಗುತ್ತಿದೆ ಎಂದು ಬೇಸರ ವ್ಯಕ್ತಪಡಿಸಿದರು. ಪ್ಲಾಸ್ಟಿಕ್‌ ಹೂಗಳ ಬಳಕೆ ಪರಿಣಾಮ, ರೈತರು ಬೆಳೆದ ಹೂಗಳ ಬೆಲೆಯಲ್ಲಿ ಶೇ.55ರಷ್ಟು ಕುಸಿತವಾಗಿದೆ. ರಾಜ್ಯದ ಹೂ ಬೆಳೆಗಾರರ ಹಿತಾಸಕ್ತಿ ಕಾಪಾಡಲು ಕೃತಕ ಹೂಗಳ ಬಳಕೆಯನ್ನು ಸರ್ಕಾರ ನಿಷೇಧಿಸಬೇಕು ಎಂದು ಮನವಿ ಮಾಡಿದರು.

Advertisement

Udayavani is now on Telegram. Click here to join our channel and stay updated with the latest news.

Next