ಮುಂದುವರಿದ ರೈಲು ಅವಘಡದ ಸರಣಿ

ಭದೊಯಿ: ಅದೇಕೋ ದೇಶದಲ್ಲಿ ಮೇಲಿಂದ ಮೇಲೆ ರೈಲು ಅವಘಡಗಳು ನಡೆಯುತ್ತಲೇ ಇವೆ. ಗುರುವಾರ ಒಂದೇ ದಿನ 3 ರೈಲುಗಳು ಹಳಿ ತಪ್ಪಿದ್ದವು. ಅದರ ಬೆನ್ನಲ್ಲೇ ಶುಕ್ರವಾರ ಉತ್ತರಪ್ರದೇಶದಲ್ಲಿ  ದಿಲ್ಲಿ- ಮಂದುವಾದಿಹ್‌ ಶಿವಗಂಗಾ ಎಕ್ಸ್‌ಪ್ರೆಸ್‌ ರೈಲಿನ ಎಂಜಿನ್‌ ಬೋಗಿಗಳಿಂದ ಬೇರ್ಪಟ್ಟು ಸುಮಾರು ಒಂದು ಕಿಲೋ ಮೀಟರ್‌ವರೆಗೆ ಚಲಿಸಿದೆ. ಇದರಿಂದ ಪ್ರಯಾಣಿಕರು ತೀವ್ರ ಆತಂಕಕ್ಕೆ ಒಳಗಾಗಿದ್ದಾರೆ. ಅದೃಷ್ಟವಶಾತ್‌ ಯಾವುದೆ ಜೀವ ಹಾನಿಯಾಗಿಲ್ಲ. ಅನಂತರ ಬೇರ್ಪಟ್ಟ ಬೋಗಿಗೆ ಎಂಜಿನ್‌ ಜೋಡಿಸಲಾಯಿತು ಎಂದು ಪೊಲೀಸರು ತಿಳಿಸಿದ್ದಾರೆ.