Goa; ಸನ್‌ಬರ್ನ್ ಫೆಸ್ಟಿವಲ್-2023 ದಿನಾಂಕ ಘೋಷಣೆ: 150ಕ್ಕೂ ಹೆಚ್ಚು ವಿವಿಧ ಪ್ರದರ್ಶನ

ಪಣಜಿ: ಗೋವಾದಲ್ಲಿ ವಾರ್ಷಿಕ ಸನ್‍ಬರ್ನ್ ಸಂಗೀತ ಉತ್ಸವವು ಅನೇಕರಿಗೆ ಹಬ್ಬವಾಗಿದೆ. ವರ್ಷಾಂತ್ಯದಲ್ಲಿ ನಡೆಯುವ ಈ ಹಬ್ಬಕ್ಕೆ ದೇಶ-ವಿದೇಶಗಳಿಂದ ಲಕ್ಷಾಂತರ ಜನ ಗೋವಾಕ್ಕೆ  ಆಗಮಿಸುತ್ತಾರೆ. ಕೋವಿಡ್ ವೈರಸ್ ಸಾಂಕ್ರಾಮಿಕದ ನಂತರ ಕಳೆದ ವರ್ಷದ ಸನ್‍ಬರ್ನ್ ಭಾರಿ ಹಿಟ್ ಆಗಿತ್ತು. ಆದರೆ, ಕಾರಣಾಂತರಗಳಿಂದ ಕಳೆದ ವರ್ಷದ ಉತ್ಸವ ವಿವಾದಕ್ಕೀಡಾಗಿತ್ತು.

ಇದೀಗ 2023 ರಲ್ಲಿ ಸನ್ಬರ್ನ್ ಉತ್ಸವದ ದಿನಾಂಕವನ್ನು ಘೋಷಿಸಲಾಗಿದೆ. ಸನ್‍ಬರ್ನ್‍ನ 17 ನೇ ಆವೃತ್ತಿಯು 28 ರಿಂದ 31 ಡಿಸೆಂಬರ್ 2023 ರವರೆಗೆ ಗೋವಾದ ವಾಗಾತೋರ್ ನಲ್ಲಿ ನಡೆಯಲಿದೆ. ಈ ಅಧಿಕೃತ ಘೋಷಣೆಯನ್ನು ಸನ್ ಬರ್ನ್ ಆಯೋಜನಾ ಸಮೀತಿ ಮಾಡಿದೆ. ಜನರ ಬೇಡಿಕೆಯಿಂದಾಗಿ ಈ ವರ್ಷ ನಾಲ್ಕು ದಿನಗಳ ಕಾಲ ಉತ್ಸವ ನಡೆಯಲಿದೆ. ‘ಎನ್‍ಚ್ಯಾಂಟೆಡ್ ಫಾರೆಸ್ಟ್’ ಈ ವರ್ಷದ ಸನ್‍ಬರ್ನ್‍ನ ಥೀಮ್ ಆಗಿದೆ.ಈ ವರ್ಷ, ಉತ್ಸವವು ನಾಲ್ಕು ದಿನಗಳಲ್ಲಿ ಸುಮಾರು 3,00,000 ಪ್ರೇಕ್ಷಕರನ್ನು ಆಕರ್ಷಿಸುವ ನಿರೀಕ್ಷೆಯಿದೆ. 28ರಿಂದ 31ರವರೆಗೆ 150ಕ್ಕೂ ಹೆಚ್ಚು ವಿವಿಧ ಪ್ರದರ್ಶನ ಹಾಗೂ ಕಾರ್ಯಕ್ರಮಗಳು ನಡೆಯಲಿವೆ. ಅಲ್ಲದೆ, ರೈಡ್‍ಗಳು, ಪಾರ್ಟಿಗಳ ನಂತರ, ಸಾಹಸ ಮತ್ತು ವಿವಿಧ ಆಟಗಳನ್ನು ಆಯೋಜಿಸಲಾಗುತ್ತದೆ.

ಸನ್‍ಬರ್ನ ಮಹೋತ್ಸವವು ವಿವಿಧ ಕಾರಣಗಳಿಗಾಗಿ ವಿವಾದದಲ್ಲಿದೆ. ಉತ್ಸವಕ್ಕೆ ನೀಡಿದ ಅನುಮತಿ ಮತ್ತು ಶಬ್ದದ ಮಿತಿ ವಿವಾದಕ್ಕೊಳಗಾಗಿತ್ತು. ವಿವಾದ ನ್ಯಾಯಾಲಯದ ಮೆಟ್ಟಿಲೇರಿದೆ. ಸನ್‍ಬರ್ನ್ ಉತ್ಸವದ ಕಾರ್ಯವಿಧಾನದ ನಿಯಮಗಳನ್ನು ಉಲ್ಲಂಘಿಸಿ ಪರವಾನಗಿಗಳನ್ನು ನೀಡಲಾಗಿದೆ. ಉತ್ಸವ ಪ್ರಾರಂಭವಾಗುವ ದಿನವಾದ 24 ಗಂಟೆಯೊಳಗೆ ಪರವಾನಗಿ ನೀಡಲಾಗಿದೆ ಎಂದು ಮುಖ್ಯ ಕಾರ್ಯದರ್ಶಿ ಸಲ್ಲಿಸಿದ ತನಿಖಾ ವರದಿಯಲ್ಲಿ ಹೇಳಲಾಗಿದೆ. ಮಾಲಿನ್ಯ ನಿಯಂತ್ರಣ ಮಂಡಳಿಯು ಸಂಘಟಕರಿಂದ 10 ಲಕ್ಷ ರೂಪಾಯಿ ಭದ್ರತಾ ಠೇವಣಿಯನ್ನೂ ವಶಪಡಿಸಿಕೊಂಡಿದೆ. ವಿಚಾರಣೆ ಪೂರ್ಣಗೊಳ್ಳುವವರೆಗೆ ಭದ್ರತಾ ಠೇವಣಿ 1.10 ಕೋಟಿ ಮರುಪಾವತಿ ಮಾಡದಂತೆಯೂ ಪೀಠ ಸರ್ಕಾರಕ್ಕೆ ಸೂಚಿಸಿದೆ.