ಗಣೇಶ ಮೂರ್ತಿಯನ್ನೇ ಕದ್ದೊಯ್ದ ಕಳ್ಳರು!

ಹೊನ್ನಾಳಿ: ಇದೇ ಮೊದಲ ಬಾರಿ ಪ್ರತಿಷ್ಠಾಪಿಸಿದ್ದ ಗಣೇಶ ಮೂರ್ತಿಯನ್ನೇ ಕದ್ದೊಯ್ದ ಘಟನೆ ಬುಧವಾರ ತಡರಾತ್ರಿ ನಡೆದಿದೆ.

ಪಟ್ಟಣದ ಮಾರಿಕೊಪ್ಪ ಮುಖ್ಯ ರಸ್ತೆಯ ಮನೆಯೊಂದರ ಬಳಿ ಕೆಲವು ಬಾಲಕರು ಈ ಬಾರಿ ಗಣೇಶನನ್ನು ಪ್ರತಿಷ್ಠಾಪಿಸಿದ್ದರು. ತಡರಾತ್ರಿ ವರೆಗೂ ಬಾಲಕರು ಪೂಜೆ ಹಾಗೂ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಮುಗಿಸಿ ಒಂದು ಗಂಟೆ ಸುಮಾರಿಗೆ  ಮನೆಗೆ ಹೋಗಿದ್ದರು. ಗಣೇಶ ಮಂಟಪದ ಬಳಿ ಯಾರೂ ಇಲ್ಲದ್ದನ್ನು ಗಮನಿಸಿದ ಕಿಡಿಗೇಡಿಗಳು ಮೂರ್ತಿಯನ್ನೇ ಹೊತ್ತೂಯ್ದಿದ್ದಾರೆ.

ಘಟನೆ ಸಂಬಂಧ ಯಾವುದೇ ಪ್ರಕರಣ ದಾಖಲಾಗಿಲ್ಲ.