Manya: ಭಜನ ಮಂದಿರದಿಂದ ಕಳವು ಆರೋಪಿಗಳಿಂದ ಮಾಹಿತಿ ಸಂಗ್ರಹ

ಮಾನ್ಯ: ಇಲ್ಲಿನ ಶ್ರೀ ಅಯ್ಯಪ್ಪ ಭಜನ ಮಂದಿರದಿಂದ ಕಳವು ನಡೆಸಿದ ಪ್ರಕರಣದಲ್ಲಿ ಬಂಧಿತರಾದ ಬಂಬ್ರಾಣದ ಇಬ್ರಾಹಿಂ ಕಲಂದರ್‌ (42) ಮತ್ತು ಉಳ್ಳಾಲದ ಫೈಜಲ್‌ (30)ನನ್ನು ಸ್ಥಳಕ್ಕೆ ಕರೆದೊಯ್ದ ಪೊಲೀಸರು ಮಾಹಿತಿ ಸಂಗ್ರಹಿಸಿದರು.

ನ. 4ರಂದು ಭಜನ ಮಂದಿರದಿಂದ 6 ಲಕ್ಷ ರೂ. ಮೌಲ್ಯದ ದೇವರ ಬೆಳ್ಳಿಯ ಛಾಯಾಚಿತ್ರ, ಫಲಕ, ಬೆಳ್ಳಿಯ ರುದ್ರಾಕ್ಷಿ ಮಾಲೆ ಹಾಗೂ ಎರಡು ಗ್ರಾಂ ತೂಕದ ಲಾಕೆಟ್‌ಗಳನ್ನು ಕಳವು ಮಾಡಲಾಗಿತ್ತು. ಈ ಪ್ರಕರಣದಲ್ಲಿ ಒಟ್ಟು ಐವರಿದ್ದು, ಇನ್ನೂ ಮೂವರನ್ನು ಬಂಧಿಸಲು ಬಾಕಿಯಿದೆ ಯೆಂದು ಪೊಲೀಸರು ತಿಳಿಸಿದ್ದಾರೆ.