ಫೆಡರರ್‌ಗೆ ಆಘಾತ; ಜ್ವೆರೇವ್‌ಗೆ ರೋಜರ್ ಕಪ್‌ ಪ್ರಶಸ್ತಿ

ಮಾಂಟ್ರಿಯಲ್‌: ದ್ವಿತೀಯ ಶ್ರೇಯಾಂಕದ ರೋಜರ್‌ ಫೆಡರರ್‌ ಅವರನ್ನು ನೇರ ಸೆಟ್‌ಗಳಿಂದ ಕೆಡಹಿದ ಜರ್ಮನಿಯ ಅಲೆಕ್ಸಾಂಡರ್‌ ಜ್ವೆರೇವ್‌ ರೋಜರ್ ಕಪ್‌ ಟೆನಿಸ್‌ ಕೂಟದ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ. 

20ರ ಹರೆಯದ ಜ್ವೆರೇವ್‌ ಅವರ ಅಮೋಘ ಆಟಕ್ಕೆ ಫೆಡರರ್‌ 3-6, 4-6 ಸೆಟ್‌ಗಳಿಂದ ಶರಣಾಗಿ ಆಘಾತಕ್ಕೆ ಒಳಗಾದರು. ಪಂದ್ಯದ ಯಾವುದೇ ಹಂತದಲ್ಲೂ ಫೆಡರರ್‌ಗೆ ಮೇಲುಗೈ ಸಾಧಿಸಲು ಜ್ವೆರೇವ್‌ ಅವಕಾಶ ನೀಡಿಲ್ಲ. ನನಗೆ ಸಾಧ್ಯವಾಗುವಷ್ಟು ಆಕ್ರಮಣಕಾರಿಯಾಗಿ ಆಡಿದೆ. ಒಂದು ವೇಳೆ ಫೆಡರರ್‌ ಆಕ್ರಮಣಕಾರಿ ಆಟಕ್ಕೆ ಮುಂದಾಗಿದ್ದರೆ ಈ ದಿನ ನನ್ನ ಪಾಲಿಗೆ ಸುಲಭವಾಗಿರುವ ಸಾಧ್ಯತೆ ಇರಲಿಲ್ಲ ಎಂದು ಪಂದ್ಯದ ಬಳಿಕ ಜ್ವೆರೇವ್‌ ತಿಳಿಸಿದರು.