ಫೈನಲ್‌ ವೇಳೆ ನವೋಮಿ ಒಸಾಕಾ ಗಾಯಾಳು

ಆಕ್ಲೆಂಡ್‌: ನಾಲ್ಕು ವರ್ಷಗಳ ಬಳಿಕ ಮೊದಲ ಟೆನಿಸ್‌ ಪ್ರಶಸ್ತಿ ಜಯಿಸುವ ಹಾದಿಯಲ್ಲಿದ್ದ ನವೋಮಿ ಒಸಾಕಾ ಅವರಿಗೆ ದೊಡ್ಡದೊಂದು ಆಘಾತ ಎದುರಾಗಿದೆ.

ರವಿವಾರದ “ಆಕ್ಲೆಂಡ್‌ ಕ್ಲಾಸಿಕ್‌ ಟೆನಿಸ್‌’ ಫೈನಲ್‌ನಲ್ಲಿ ಡೆನ್ಮಾರ್ಕ್‌ನ ಕ್ಲಾರಾ ಟೌಸನ್‌ ವಿರುದ್ಧ ಸೆಣಸಾಡುತ್ತಿದ್ದಾಗ ಸ್ನಾಯು ಸೆಳೆತದಿಂದ ಹಿಂದೆ ಸರಿಯುವ ಸಂಕಟಕ್ಕೆ ಸಿಲುಕಿದರು. ಆಗ ಒಸಾಕಾ ಮೊದಲ ಸೆಟ್‌ ಅನ್ನು 6-4ರಿಂದ ಜಯಿಸಿದ್ದರು.

ಇದರಿಂದ ಒಸಾಕಾ ಅವರ ಆಸ್ಟ್ರೇಲಿ ಯನ್‌ ಓಪನ್‌ ಸಿದ್ಧತೆಗೆ ಭಾರೀ ಹಿನ್ನಡೆ ಯಾಗಿದೆ. ಆವರು ತಮ್ಮ 4 ಗ್ರ್ಯಾನ್‌ಸ್ಲಾಮ್‌ ಪ್ರಶಸ್ತಿಗಳಲ್ಲಿ ಕೊನೆಯದ್ದನ್ನು 2021ರಲ್ಲಿ ಮೆಲ್ಬರ್ನ್ ನಲ್ಲೇ ಜಯಿಸಿದ್ದರು.