ಬೂತ್‌ಮಟ್ಟದಿಂದ ಪಕ್ಷ ಬಲಪಡಿಸಲು ಒತ್ತು

ಬಸವಕಲ್ಯಾಣ: ತಾಲೂಕಿನ ಪ್ರತಿ ಗ್ರಾಮದಲ್ಲಿಯೂ ಜೆಡಿಎಸ್‌ ಘಟಕ ರಚಿಸುವ ಜತೆಗೆ ಬೂತ್‌ ಮಟ್ಟದಿಂದ ಬಲಪಡಿಸಲು ಒತ್ತು ನೀಡಲಾಗುತ್ತಿದೆ ಎಂದು ಶಾಸಕ ಮಲ್ಲಿಕಾರ್ಜುನ ಖೂಬಾ ಹೇಳಿದರು.

ತ್ರಿಪುರಾಂತದಲ್ಲಿ ಯೋಜಿಸಲಾಗಿದ್ದ ತಾಲೂಕು ಜೆಡಿಎಸ್‌ ಕಾರ್ಯಕಾರಿಣಿ ಸಭೆಯಲ್ಲಿ ಅವರು ಮಾತನಾಡಿದರು.
ಪಕ್ಷ ಸಂಘಟನೆ ಬಲಗೊಳಿಸಲು ಪಕ್ಷದ ಪ್ರಮುಖರು, ಕಾರ್ಯಕರ್ತರು ಹಗಲಿರಳು ಶ್ರಮಿಸಬೇಕು ಎಂದು ಹೇಳಿದರು.

ನಿರೀಕ್ಷಿತ ಮಟ್ಟದಲ್ಲಿ ಆಡಳಿತ ನಡೆಸಲು ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳು ಸಂಪೂರ್ಣ ವಿಫಲವಾಗಿವೆ. ಪರಸ್ಪರ ಆರೋಪ ಪ್ರತ್ಯಾರೋಪದಲ್ಲಿ ಸಮಯ ವ್ಯರ್ಥ ಮಾಡುತ್ತಿವೆ. ಹೀಗಾದರೆ ಆಡಳಿತ ನಡೆಸಲು ಹೇಗೆ ಸಾಧ್ಯವಾಗುತ್ತದೆ
ಎಂದು ಖೂಬಾ ಅಸಮಾಧಾನ ವ್ಯಕ್ತಪಡಿಸಿದರು.

ಪಕ್ಷದ ಸಂಘಟನೆಗಾಗಿ ಮಾಜಿ ಮುಖ್ಯಮಂತ್ರಿ ಎಚ್‌.ಡಿ. ಕುಮಾರ ಸ್ವಾಮಿ ಅವರು ರಾಜ್ಯಾದ್ಯಂತ ಪ್ರವಾಸ
ಕೈಗೊಳ್ಳಲಿದ್ದಾರೆ. ಗ್ರಾಮಗಳಲ್ಲಿ ವಾಸ್ತವ್ಯ ಮಾಡಲಿದ್ದಾರೆ. ರಾಜ್ಯದ ಜನರು ಜೆಡಿಎಸ್‌ ಕಡೆಗೆ ಒಲವು ತೋರುತ್ತಿದ್ದಾರೆ. ಮುಂಬರುವ ವಿಧಾನಸಭಾ ಚುನಾವಣೆಯಲ್ಲಿ ಗೆಲುವು ಸಾಧಿಸಿ ಜೆಡಿಎಸ್‌ ಅಧಿಕಾರಕ್ಕೆ ಬರುವ ನಿರೀಕ್ಷೆ ಇದೆ. ಎಚ್‌.ಡಿ. ಕುಮಾರಸ್ವಾಮಿ ಅವರು ರಾಜ್ಯದ ಮುಂದಿನ ಮುಖ್ಯಮಂತ್ರಿಯಾಗಲಿದ್ದಾರೆ ಎಂದು ವಿಶ್ವಾಸ ವ್ಯಕ್ತಪಡಿಸಿದದರು.

ಪಕ್ಷದ ತಾಲೂಕು ಅಧ್ಯಕ್ಷ ಶಬ್ಬಿರಪಾಶಾ ಮುಜಾವರ, ಪ್ರಮುಖರಾದ ಸಂಜೀವ ಗಾಯಕವಾಡ, ಸುಧಾಕರ
ಮದನೆ, ಸಂಜು ಗೋಡಬೋಲೆ ಮಾತನಾಡಿದರು.

ಮುಖಂಡರಾದ ಕೇಶಪ್ಪ ಬಿರಾದಾರ, ಕಾಳಿದಾಸ ಜಾಧವ, ಮಾಧವರಾವ ಹಸೂರೆ, ಜಿಪಂ ಸದಸ್ಯ ಆನಂದ
ಪಾಟೀಲ, ತಾಪಂ ಸದಸ್ಯ ಬಾಲಾಜಿ ಸಸ್ತಾಪುರ, ಪುಷ್ಪರಾಜ ಹರಕೂಡೆ, ರಾಜು ಮಂಠಾಳ, ನಗರಸಭೆ ಸದಸ್ಯೆ
ಕರುಣಾಬಾಯಿ, ಬಸು ಖೂಬಾ, ಶಿವಕುಮಾರ ಬಿರಾದಾರ, ಮಹಿಳಾ ಘಟಕ ಅಧ್ಯಕ್ಷೆ ರುಕ್ಮಿಣಿಬಾಯಿ ಸಿಂಗಾರೆ, ಮಹಿಳಾ ಘಟಕದ ಜಿಲ್ಲಾ ಉಪಾಧ್ಯಕ್ಷ ಅನಪೂರ್ಣಬಾಯಿ ಅಂಬರಾಯ, ಗುರುನಾಥ ಸೋನಕೆ, ನಗರ ಘಟಕ ಅಧ್ಯಕ್ಷ ಮಹ್ಮದ್‌ ರೈಸೋದ್ದಿನ್‌, ಜ್ಞಾನೇಶ್ವರ ಮುಳೆ, ಪ್ರಕಾಶರಡ್ಡಿ, ಲತೀಫ್‌ ಭಾಗವಹಿಸಿದ್ದರು.