Belagavi Session; ಕುರ್ಚಿಗಾಗಿ ಹುಡುಕಾಡಿದ ಶಾಸಕ ಸೂರಜ್‌ ರೇವಣ್ಣ

ಬೆಳಗಾವಿ: ಲೈಂಗಿಕ ದೌರ್ಜನ್ಯ ಪ್ರಕರಣ ವಿಚಾರವಾಗಿ ಮಳೆಗಾಲದ ಅಧಿವೇಶನಕ್ಕೆ ಗೈರಾಗಿದ್ದ ಪರಿಷತ್‌ ಸದಸ್ಯ ಸೂರಜ್‌ ರೇವಣ್ಣ ಅವರು ಸೋಮವಾರ ಚಳಿಗಾಲದ ಅಧಿವೇಶನಕ್ಕೆ ಹಾಜರಾದರು. ಶೂನ್ಯ ವೇಳೆ ಆರಂಭಕ್ಕೂ ಮೊದಲು ಸದನದಲ್ಲಿ ಕಾಣಿಸಿಕೊಂಡ ಅವರು ತಮ್ಮ ಆಸನಕ್ಕಾಗಿ ಕೆಲ ಕಾಲ ಹುಡುಕಾಟ ನಡೆಸಿದ್ದು ಕಂಡುಬಂತು.

ಆಸನದ ಕೊನೆಯ ಸಾಲಿನಲ್ಲಿ ಕುಳಿತಿದ್ದ ಬಿಜೆಪಿ ಸದಸ್ಯೆ ಹೇಮಲತಾ ನಾಯಕ್‌ ಅವರ ಸಮೀಪ ಇದ್ದ ಆಸನಗಳಲ್ಲಿ ತಮ್ಮ ಹೆಸರೇನಾದರೂ ಇದೆಯೇ ಎಂಬುದನ್ನು ಪರಿಶೀಲಿಸಿದರು. ಕೊನೆಯ ಆಸನದಲ್ಲೂ ತಮ್ಮ ಹೆಸರು ಇಲ್ಲ ಎಂಬುದನ್ನು ತಿಳಿದ ಅನಂತರ ಅತ್ತಿತ್ತ ನೋಡಿ ಮೂರನೇ ಸಾಲಿನಲ್ಲಿದ್ದ ತಮ್ಮ ಆಸನ ಹುಡುಕುವಲ್ಲಿ ಸಫಲರಾದರು.