ಮುಂಬಯಿ: ವರ್ಷಾಂತ್ಯದಲ್ಲಿ ಸೌತ್‌ ಹಾಗೂ ಬಿಟೌನ್‌ ನಲ್ಲಿ ಎರಡು ದೊಡ್ಡ ಸಿನಿಮಾಗಳು ರಿಲೀಸ್ ಆಗಿದೆ. ಶಾರುಖ್‌ – ಪ್ರಭಾಸ್‌ ಅವರ ಸಿನಿಮಾಕ್ಕೆ ಪ್ರೇಕ್ಷಕರಿಂದ ಭರ್ಜರಿ ರೆಸ್ಪಾನ್ಸ್‌ ವ್ಯಕ್ತವಾಗುತ್ತಿದೆ. ಎರಡೂ ಸಿನಿಮಾಗಳ ಬಾಕ್ಸ್‌ ಆಫೀಸ್‌ ಗಳಿಕೆ ಹೇಗಿದೆ ಎನ್ನುವುದು ನೋಡಿಕೊಂಡು ಬರೋಣ ಬನ್ನಿ.
ಪ್ರಭಾಸ್‌ – ಪ್ರಶಾಂತ್‌ ನೀಲ್‌ ʼಸಲಾರ್‌ʼ ಸಟ್ಟೇರಿದ ದಿನದಿಂದಲೇ ಸುದ್ದಿಯಲ್ಲಿದ್ದ ಸಿನಿಮಾ. ರಿಲೀಸ್ ಆದ ಬಳಿಕವೂ ಸಿನಿಮಾದ ಬಗ್ಗೆ ದೊಡ್ಡಮಟ್ಟದಲ್ಲಿ ರೆಸ್ಪಾನ್ಸ್‌ ವ್ಯಕ್ತವಾಗುತ್ತಿದೆ.
ಪ್ಯಾನ್‌ ಇಂಡಿಯಾ ಭಾಷೆಯಲ್ಲಿ ʼಸಲಾರ್‌ʼ ರಿಲೀಸ್ ಆಗಿದೆ. ಇನ್ನೊಂದೆಡೆ ʼಡಂಕಿʼ ಹಿಂದಿಯಲ್ಲಿ ರಿಲೀಸ್ ಆಗಿದೆ. ಮೊದಲ ದಿನ ಭಾರತದಲ್ಲಿ ʼಸಲಾರ್‌ʼ ಬಿಗ್‌ ಔಪನಿಂಗ್ ಪಡೆಯಿತು. 90 ಕೋಟಿ ಗಳಿಸಿತು. ಆದರೆ ಎರಡನೇ ದಿನ ʼಸಲಾರ್‌ʼ ಅಂದುಕೊಂಡ ಕಲೆಕ್ಷನ್ ಆಗಿಲ್ಲ. 56.35 ಕೋಟಿ ಗಳಿಸಿತು. ಮೂರನೇ ದಿನದಲ್ಲಿ ಮತ್ತೆ ʼಸಲಾರ್‌ʼ ಬಾಕ್ಸ್‌ ಆಫೀಸ್‌ನ ಲ್ಲಿ ಕಮಾಲ್‌ ಮಾಡಿತು. ಮೂರನೇ ದಿನ 61 ಕೋಟಿ ಗಳಿಸುವ ಮೂಲಕ ಭಾರತದಲ್ಲಿ 208.05 ಕೋಟಿ ಗಳಿಸಿದೆ. ವರ್ಲ್ಡ್‌ ವೈಡ್‌ ಮೂರೇ ದಿನದಲ್ಲಿ 300 ಕೋಟಿಗೂ ಅಧಿಕ ಗಳಿಕೆ ಕಂಡಿದೆ.
ಇನ್ನೊಂದೆಡೆ ʼಡಂಕಿʼ ಸಿನಿಮಾಕ್ಕೆ ನಿರೀಕ್ಷಿತ ಮಟ್ಟದಲ್ಲಿ ಓಪನಿಂಗ್‌ ಸಿಗದಿದ್ರು, ಶಾರುಖ್‌ – ರಾಜಕುಮಾರ್‌ ಹಿರಾನಿ ಅವರ ಸಿನಿಮಾವನ್ನು ನೋಡಲು ವೀಕೆಂಡ್‌ ನಲ್ಲಿ ಪ್ರೇಕ್ಷಕರು ಥಿಯೇಟರ್‌ ನತ್ತ ಧಾವಿಸಿದ್ದಾರೆ. ʼಡಂಕಿʼ ನಾಲ್ಕನೇ ದಿನ 31.50 ಕೋಟಿ ರೂ.ಗಳಿಸಿದೆ. ಆ ಮೂಲಕ ಶಾರುಖ್‌ ಅವರ ʼಡಂಕಿʼಯೂ 100 ಕೋಟಿ ಕ್ಲಬ್‌ ಸೇರಿದೆ. ಭಾರತದಲ್ಲಿ ʼಡಂಕಿʼ 106.43 ಕೋಟಿ ರೂ ಗಳಿಸಿದೆ.
ʼಡಂಕಿʼ ಡಿ.21 ರಂದು ರಿಲೀಸ್ ಆಗಿದೆ. ʼಸಲಾರ್‌ʼ ಡಿ.22 ರಂದು ತೆರೆ ಕಂಡಿದೆ.
