ಹೈದರಾಬಾದ್: ʼಕಾಂತಾರʼ ಸ್ಟಾರ್ ರಿಷಬ್‌ ಶೆಟ್ಟಿ (Rishab Shetty) ಸದ್ಯ ಸಾಲು ಸಾಲು ಸಿನಿಮಾಗಳಲ್ಲಿ ಬ್ಯುಸಿಯಾಗಿದ್ದಾರೆ. ಟಾಲಿವುಡ್‌ ಚಿತ್ರರಂಗದಲ್ಲೂ ರಿಷಬ್‌ ತಮ್ಮ ನಟನಾ ಸಾಮಾರ್ಥ್ಯವನ್ನು ತೋರಿಸಲು ಸಜ್ಜಾಗಿದ್ದಾರೆ.
ʼಕಾಂತಾರ -1ʼ ಸಿನಿಮಾದ ಚಿತ್ರೀಕರಣ ಮುಕ್ತಾಯ ಹಂತದಲ್ಲಿದೆ ಎನ್ನಲಾಗುತ್ತಿದ್ದು, ಈ ಸಿನಿಮಾದ ಬಳಿಕ ರಿಷಬ್‌ ತೆಲುಗಿನ ಪ್ರಶಾಂತ್‌ ವರ್ಮಾ ನಿರ್ದೇಶನದ ʼಜೈ ಹನುಮಾನ್‌ʼ (Jai Hanuman) ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದಾದ ಬಳಿಕ ಸಂದೀಪ್ ಸಿಂಗ್ ಅವರ ಹಿಸ್ಟೋರಿಕಲ್ ಡ್ರಾಮಾ ‘ದಿ ಪ್ರೈಡ್ ಆಫ್ ಭಾರತ್: ಛತ್ರಪತಿ ಶಿವಾಜಿ ಮಹಾರಾಜ್’ (The Pride Of Bharat Chhatrapati Shivaji Maharaj) ಎನ್ನುವ ಸಿನಿಮಾದಲ್ಲಿ ಶಿವಾಜಿಯ ಪಾತ್ರದಲ್ಲಿ ರಿಷಬ್‌ ಕಾಣಿಸಿಕೊಳ್ಳಲಿದ್ದಾರೆ.
ಇದನ್ನೂ ಓದಿ: Baaghi 4: ಹರ್ಷ ʼಬಾಘಿ-4ʼ ಅಖಾಡಕ್ಕೆ ವಿಲನ್‌ ಆಗಿ ಎಂಟ್ರಿಯಾದ ಸಂಜು ಬಾಬಾ
ಒಟ್ಟಿನಲ್ಲಿ 2027ರ ವರೆಗೂ ರಿಷಬ್‌ ಶೆಟ್ಟಿ ಬ್ಯುಸಿಯಾಗಿರಲಿದ್ದಾರೆ. ʼಕಾಂತಾರ -1ʼ ರಿಲೀಸ್ ಬಳಿಕ ಈ ಎರಡು ಸಿನಿಮಾಗಳ ಕೆಲಸದಲ್ಲಿ ರಿಷಬ್‌ ನಿರತರಾಗಿರಲಿದ್ದಾರೆ.
ಇದೀಗ ಲೇಟೆಸ್ಟ್‌ ಸುದ್ದಿಯೊಂದು ಟಾಲಿವುಡ್‌ನಲ್ಲಿ ಹರಿದಾಡುತ್ತಿದೆ. ಡಾರ್ಲಿಂಗ್‌ ಪ್ರಭಾಸ್‌ (Prabhas) ಸಿನಿಮಾಕ್ಕೆ ರಿಷಬ್‌ ಶೆಟ್ಟಿ ಸ್ಕ್ರಿಪ್ಟ್‌ ಬರೆದುಕೊಡಲಿದ್ದಾರೆ ಎಂದು ‘ಡೆಕ್ಕನ್ ಕ್ರಾನಿಕಲ್ʼ ವರದಿ ಮಾಡಿದೆ.
ಪ್ರಭಾಸ್‌ ಜತೆ ಈಗಾಗಲೇ ಹೊಂಬಾಳೆ ಫಿಲ್ಮ್ಸ್‌ (Hombale Films) ಮೂರು ಸಿನಿಮಾಗಳನ್ನು ಮಾಡುವುದಾಗಿ ಒಪ್ಪಂದವನ್ನು ಮಾಡಿಕೊಂಡಿದೆ. ಇದರಲ್ಲಿ ಒಂದು ಸಿನಿಮಾ ʼಸಲಾರ್‌ -2ʼ ಆಗಿರಲಿದೆ. ಇನ್ನೆರೆಡು ಸಿನಿಮಾಗಳ ಬಗ್ಗೆ ಮಾಹಿತಿ ಹೊರಬಿದ್ದಿಲ್ಲ.
ಹೊಂಬಾಳೆ ಫಿಲ್ಮ್ಸ್‌ ರಿಷಬ್‌ ಅವರ ಬಳಿಕ ಪ್ರಭಾಸ್‌ ಸಿನಿಮಾಕ್ಕಾಗಿ ಒಂದೊಳ್ಳೆ ಕಥೆ ಬರೆದುಕೊಡುವಂತೆ ಕೇಳಿದ್ದು, ಪ್ರಭಾಸ್‌ ಮ್ಯಾನರಿಸಂಗೆ ಹೊಂದಿಕೊಳ್ಳುವ ಸ್ಕ್ರಿಪ್ಟ್‌ ಮಾಡಿಕೊಡುವುದಕ್ಕೆ ರಿಷಬ್‌ ಒಪ್ಪಿಗೆ ನೀಡಿದ್ದಾರೆ ಎಂದು ವರದಿ ತಿಳಿಸಿದೆ.
ಕಥೆ ಬರೆದುಕೊಡುತ್ತೇನೆ ಆದರೆ ನಿರ್ದೇಶನ ಮಾಡುವುದಿಲ್ಲ ಎಂದು ರಿಷಬ್‌ ಹೇಳಿರುವುದಾಗಿ ವರದಿ ತಿಳಿಸಿದೆ.
ಈ ಸಿನಿಮಾದ ಬಗ್ಗೆ ಶೀಘ್ರದಲ್ಲೇ ಘೋಷಣೆ ಆಗುವ ಸಾಧ್ಯತೆಯಿದೆ ಎಂದು ವರದಿ ತಿಳಿಸಿದೆ.
ಸದ್ಯ ಪ್ರಭಾಸ್‌ ʼಫೌಜಿʼ ಹಾಗೂ ʼರಾಜಾಸಾಬ್‌ʼ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ಇದಾದ ಬಳಿಕ ಅವರು ʼಸಲಾರ್‌ -2ʼ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
